Doornspijk

	Doornspijk
	Klarenbeek
	Polityk
Lân	Nederlân
Provinsje	Gelderlân
Gemeente	Elburch
Boargemaster	Jan Nathan Rozendaal (SGP)
	Sifers
Ynwennertal	4.220 (2019)
Oerflak	21,06 km²
Befolkingsticht.	200 / km²
	Oar
Postkoade	1846
	Offisjele webside
	Doornspijk op Elburg.nl

Doornspijk is in doarp yn de gemeente Elburch yn de provinsje Gelderlân. Oant 1974 wie it noch in selsstannige gemeente.

Skiednis[bewurkje seksje | boarne bewurkje]

Doornspijk waard al likernôch om it jier 800 as "Villa Thornspiic" neamd. Eartiids lei it sintrum fan it plak noardlik fan it hjoeddeiske doarp oan de dyk fan de Sudersee. Nei't de Ludgerustsjerke troch de floed fan 1825 en bliksemynslach ferlern gyng, waard der mear it lân yn in nije tsjerke boud. It nije doarpssintrum kaam om dy nije tsjerke hinne te lizzen. Yn it midden fan de 19e iuw is troch de tsjintwurdige kearn de Suderseestrjitwei (Zuiderzeestraatweg) oanlein.

De Tsjerkedyk (Kerkdijk) yn Doornspijk foarmet it paad nei de âlde Ludgerustsjerke, dy't doedestiids de âlde delsetting oan de Sudersee ferbûn mei it achterlân.

Op 1 jannewaris 1974 waard Doornspijk as gemeente opheft en yndield by Elburch.

Tsjerke[bewurkje seksje | boarne bewurkje]

Doornspijk is in tsjerklik plak. It doarp hat in tal tsjerken, wêrfan't de grutste gemeente de hersteld herfoarmd is.

Natoer[bewurkje seksje | boarne bewurkje]

It doarp leit yn in agrarysk greidelânskip. Súdlik fan it doarp leit de Doornspijkster heide mei in sânferstowing en in boskgebiet. Noardwestlik fan it doarp lei de Feluwemar. Regelmjittich wurde dêr seldsume wetterfûgels sjoen, lykas kranen en flamingo's.