De Burch (stins)

Ut Wikipedy
(Trochwiisd fan De Burch)
Jump to navigation Jump to search
It plak dêr't de Pelfinne stie, yn'e midden Jouswier

De Burch of Pelfinne wie in stins oan de Súd Ie tussen Mitselwier en Jouswier, gemeente Dongeradiel. Fan de stins is neat werom te finen, it is no in stik lân.

Begjin 15e iuw wurdt foar it earst oer De Burch skreaun. De wichtichste stins yn Mitselwier wie Ropta. Dêrneist wienen de âlde haadlingehuzen Wibaldastate en Jaersmastate der noch. Alletrije machtsposysjes waarden al neamd yn 1422.

Yn 1511 wie Sybren Ropta syn soan Focke Ropta, yn de list fan eallju fan 1505 ek neamd, eigener fan Roptastate. Ien fan syn pachters wenne up den Burch. Dêr sil grif net de Roptastins mei bedoeld wêze, mar in strategysk oan de Suderie lizzend hûs. Fokke Ropta junior fan Roptastate troude mei Graets fan Eysinga. Neist Grut- en Lyts-Ropta en De Burch hie hy noch in soad oare pleatsen en stikken lân yn eigendom ûnder de doarpen Eanjum, Ljussens en Moarre en in hûs yn Dokkum. Hy wie dan ek de rykste man fan de gritenij.

Focke fan Ropta ferstoar frij jong yn 1512 krektas syn frou. De ien ferstoar op 24 juny, de oare op 4 july.

Bewenners[bewurkje seksje | boarne bewurkje]

  • Sybren Ropta (?)
  • - 1512 Focke Sybrens fan Ropta, troud mei Graets fan Eysinga
  • 1512 - 1551 Worp Fockes fan Ropta (?)

Boarnen, noaten en referinsjes[boarne bewurkje]

Boarnen, noaten en/as referinsjes:
  • States en stinzen
  • P.N. Noomen - De stinzen in middeleeuws Friesland en hun bewoners, 2009
  • website hisgis