Burdmantsje

burdmantsje
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift moskeftigen (Passeriformes) famylje burdmantsjes (Panuridae) skaai echte burdmantsjes (Panurus)
soarte
Panurus biarmicus
Linnaeus, 1758
IUCN-status: net bedrige
ferspriedingsgebiet
stânfûgel      wintergast

Burdmantsje yn it reid

Panurus biarmicus russicus

It burdmantsje (Panurus biarmicus) is in sjongfûgel fan de famylje Panuridae yn it skift fan de moskeftigen (Passeriformes). De famylje fan de burdmantsjes hat mar ien soart.

Foarkommen

It burdmantsje is in tipyske fûgel fan it reidlân. Hy hat in oranje-brúne kleur mei in feal-wite foarkant. It mantsje hat in grize kop en opfallende swarte burdstreken. It lûd is tike tipysk: "tsjing" of "ping" en dat is simmers en winters te hearren. De oersetting fan de Latynske namme is "dûbel optuge sturtfûget". Neist de namme Burdmantsje hat dizze fûgel noch mear ûnoffisiële nammen: "Reidmieske", "Reidpapegaai" (hy makket akrobatyske meneuvels yn it reid en hy liket in bitsje op in papegaai), "Dekfûgeltsje": as it winter is beskermet it mantsje it wyfke soms mei de wjukken en miskien hat er dêrtroch dy namme krigen.

Fersprieding

De fûgel komt ferspraat yn Jeropa en Midden-Aazje foar. Yn Nederlân brieden jierliks tusken de 1000 en 2000 pearen. It burdmantsje is net bedriege en stiet net op de Reade list fan fûgels. Yn Fryslând komt it burdmantsje as briedfügel foaral foar yn de natuergebieden by de Iselmarkust lêns: fan Makkumer Noardwaard oant Mirnser Klif. Yn it Lauwersmar is er tige algemien en ferspraat troch Fryslan komme ek spantsjes ta brieden.

Taksonomy

De soarte telt trije ûndersoarten:

• Panurus biarmicus biarmicus: West-, Midden-, Súd-Jeropa
• Panurus biarmicus russicus: Súdeast- en East-Jeropa, Midden-Aazje
• Panurus biarmicus kosswigi: Súdeast-Turkije

• 
  Mantsje
• 
  Wyfke
• 
  Jonge fûgel

Keppeling om utens

• Vogelbescherming: baardman