Bari

	Bari ; Bare (Napolitaansk)
	Oersjochfoto fan de âlde binnenstêd en haven
	Emblemen
	Bestjoer
Lân	Itaalje
Regio	Apulje
Stedsgewest	Bari
	Sifers
Ynwennertal	316.491 (jannewaris 2023)
Oerflak	117 km²
Befolkingsticht.	2700 ynw/km²
Hichte	5 m
	Offisjele webside
	Bari – offisjeel webstee
	Kaart
	; Lizzing fan Bari yn Itaalje

Dizze side giet oer de Italjaanske stêd Bari. Foar oare betsjuttings, sjoch: Bari (betsjuttingsside).

Bari (Napolitaansk: Bare) is in havenstêd oan de Adriatyske See. It leit yn it noardwesten fan de 'hakke' fan de Lears fan Itaalje. Bari is de haadstêd fan de provinsje Bari mei deselde namme en fan de regio Apulje. De stêd hat om-ende-by 328.458 ynwenners.

Bari is in wichtich havenplak. Ut de haven wei farre geregeld feartsjinsten nei Durrës yn Albaanje, en nei oare stêden lykas Dubrovnik yn Kroaasje en Bar yn Montenegro.

Skiednis

Eartiids lei Bari yn de ynfloedssfear fan de Grykske koloanjes yn Súd-Itaalje. Letter wie it as Barium part fan it Romeinske Ryk en troch de iuwen hinne hie it mei ferskate oerhearskers te krijen, krektas Goaten, Noarmannen en yn de 9e iuw mei Arabieren. Yn tsjinstelling ta Malta en Sisylje lei Bari net oan de wichtichste seerûtes fan de Middellânske See.

Yn de Basilyk fan Sint-Nikolaas yn Bari wurdt it stoflik omskot fan Sint Nikolaas bewarre, de biskop fan Myra. De hillige Nikolaas is beskermhillige fan de stêd.