Apûlje

Apûlje
Flagge	Wapen
(Details)
Lokaasje yn Itaalje
Algemien
Haadstêd	Bary
Oerflakte	19.000
Befolking	4.000.000
Befolkingstichtens	210
Oare ynformaasje
Heechste punt	Monte Calvo: 1050
Oantal gemeenten	258
Provinsjes	Bary, Barletta-Andria-Trani, Brindisy, Foggia, Lesse, Tarente

Apûlje (Italjaansk: Puglia) is in regio yn Súdeast-Itaalje, oprjochte yn 1861. Apûlje leit noardwest fan en mei de hakke fan de Lears fan Itaalje, oan de Adriatyske See (Strjitte fan Otranto) en de Ioanyske See (ûnder oare Golf fan Tarente) op sa'n 80 kilometer fan de kust fan Albany. Apûlje is de meast eastlike regio fan Itaalje. De haadstêd is Bary.

Yn it súdlikste diel fan Apûlje, yn de omkriten fan Salento wurdt in protte wyn ferboud wêrûnder de ferneamde Negroamaro en Primitivo. Yn Apûlje wurdt fan Itaalje ek de measte oliven produsearre.

Nijsgjirrichheden

It toeristyske sintrum fan de regio leit yn it uterste noarden op it skiereilân Gargano. Hjir lizze de ferneamde badplakken Fieste, Peskisy en Mattinata. De moaiste keunststêd fan de regio is Lese, dat beskôge wurdt as ien fan de wichtichste barokstêden fan de wrâld. Te súdwesten fan Bary leit Alberobello mei syn bysûndere trully. Dizze wite rûne huzen mei harren kegelfoarmige dakken hawwe dit plak in soad bekendheid jûn.

It binnenlân op de grins mei de regio Basilikata, de Murge is woest, keal en tige tin befolke. De kuststripe tusken Barletta en Brindisy is it tichtst befolke diel fan Apûlje en tige yndustrialisearre.

Provinsjes en wichtichste stêden

	Provinsje	Ofkoarting	Haadstêd	Wichtichste plakken
	Bary	BA	Bary	Molfetta, Monopoly, Altamura
	Barletta-Andria-Trany	BT	Barletta, Andria, Trany	Kanosa di Puglia, Biskegly
	Brindisy	BR	Brindisy	Ostuny, Fasano
	Foggia	FG	Foggia	Manfredonia, Serignola, Lusera
	Lesse	LE	Lesse	Gallipoly, Nardò
	Tarente	TA	Tarente	Martina Franka, Grottagly

Foto's

De Murge

Castel del Monte

Gargano

Keppeling om utens

• Regio Apûlje
• Puglia Turismo