BET Award

Ut Wikipedy
Gean nei: navigaasje, sykje
BET Award
algemiene ynformaasje
nasjonaliteit Flag of the United States.svg Amerikaansk
útrikt foar muzyk, tillefyzje, sport en oar
útrikt troch Black Entertainment Television
frekwinsje 1x jiers
datum ein juny
plak Los Angeles (Kalifornje)
ynsteld 2001
1e útrikking 2001
offisjele webside
www.bet.com/shows/bet-awards

De BET Awards binne in groep Amerikaanske prizen dy't ienris yn it jier útrikt wurde ta erkenning fan 'e prestaasjes fan Afro-Amerikanen en oare minderheden yn 'e Feriene Steaten op it mêd fan muzyk, tillefyzje, sport en oare terreinen. Dizze prizen waarden yn 2001 ynsteld troch it Black Entertainment Television-netwurk. De útrikking fynt plak by in live troch datselde tillefyzjekanaal útstjoerde seremoanje, dy't sûnt 2002 yn Los Angeles holden wurdt, al fûn de ynaugurele útrikking yn 2001 plak yn Las Vegas.

De BET Awards wurde tawiisd troch in 500-koppich panel besteande út fertsjintwurdigers fan 'e muzykyndustry en de media en út bloggers. BET stjoerd elektroanyske stimbiljetten nei alle panelleden ta, dy't dêr har nominaasjes op ynfolje, wêrnei't de resultaten troch BET byinoar smiten wurde en de meast nominearre fiif nammen yn eltse kategory op in nij stimbiljet set wurde dat dan wer nei de panelleden ta stjoerd wurdt, sadat dy har úteinlike kar meitsje kinne. Wa't fan 'e fiif nominaasjes yn in kategory yn dizze twadde stimming de measte stimmen kriget, is de winner.

Kategoryen[bewurkje seksje | boarne bewurkje]

  • bêste hiphop-artyst
  • bêste gospelartyst
  • bêste R&B-artyst
  • bêste band
  • bêste nije artyst
  • bêste gearwurking
  • bêste fideoklip
  • bêste akteur en aktrise
  • bêste film
  • arleet fan it jier
  • publykspriis (Viewers' Choice)
  • BET Centric Award
  • BET Humanitarian Award
  • BET Lifetime Achievement Award (oeuvrepriis)

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.