Attraksjepark Duinen Zathe

Attraksjepark Duinen Zathe
ferdivedaasjepark
De yngong fan it park.
lokaasje
lân	Nederlân
provinsje	Fryslân
gemeente	Eaststellingwerf
plak	Appelskea
adres	Noarder Es 1
koördinaten	52°57'18"N 6°20'10"E
bysûnderheden
type	algemien ferdivedaasjepark
iepen	maaie o/m aug. (altyd) apr., sept., okt. (net altyd)
oerflak	14 ha
attraksjes	19
achtbanen	2
wetterattr.	1
darkrides	1
besikers	65.000 (jiers)
skiednis
iepening	1958
oarspr. lokaasje	Boerestreek yn Appelskea
offisjele webside
www.duinenzathe.nl
kaart
Lokaasje fan it park yn Fryslân.

Attraksjepark Duinen Zathe (offisjeel, Nederlânsk: Attractiepark Duinen Zathe) is in ferdivedaasjepark yn Appelskea, yn 'e uterste súdeasthoeke fan Fryslân.

Skiednis

Duinen Zathe eartiids

Duinen Zathe begûn yn 1958 as in kofje- en teeskinkerij, wêrby't de eigner doedestiden efter en njonken it haadgebou eigenhandich houten boarterstastellen boude om 'e bern fan syn klanten dwaande te hâlden. In stadige modernisearring late der úteinlik ta dat de efterseal yn 'e twadde helte fan 'e sechstiger jierren as dancing brûkt waard. Om 1970 hinne waard de saak oernommen, wêrnei't der in yngeande ferbouwing plakfûn.

De boarterstún waard dêrby ferhuze nei it terrein efter it haadgebou, en der waarden grutte attraksjes ynstallearre, wêrûnder botsauto's, oldtimers en in draaimole. In stikmannich jierren letter waard it terrein noch fierder útwreide, en waarden der û.m. in spûkhûs en in teäterseal tafoege.

Yn 1984 kamen de hjoeddeistige eigners yn it besit fan it ferdivedaasjepark. Under de nije lieding fûn der in fierdere útwreiding plak en krige Duinen Zathe mear bekendheid. De lûdsoerlêst waard úteinlik lykwols in probleem foar it doarp, en om't der op it oarspronklike plak, oan 'e Boerestreek, midden yn Appelskea, ek gjin romte mear oer wie foar fierdere útwreiding, waard besletten it hiele park te ferhúzjen nei in oare lokaasje, oan 'e Noarder Es. Dy ferhuzing krige yn 2002 syn beslach.

Akkomodaasjes

Duinen Zathe beskikt oer in ferskaat oan tradisjonele attraksjes, wêrûnder botsauto's, in klimkastiel, luchtkjessens, in reuzeglydbaan en in spûkhûs. Dêrnjonken binne der ek ferskillende grutte moderne ynstallaasjes, wêrûnder in achtbaan, in wyldwetterbaan en in saneamde supernova mei twa ûnôfhinklik bewegende earms dy't jin it gefoel jout tusken metershege weagen te surfen. Mar ek beskikt it park noch oer in gewoane boarterstún, mei touters, wippen en in sânbak. Yn it teäter binne geregeldwei optredens.

Attraksjes

• ûndersteande list is ûnfolslein

Hjoeddeiske attraksjes

Namme		Iepene	Opm.
	Spur & the Big Apple	1987	Is mei it attraksjepark mei ferhúze fan de Boerestreek nei de Noarder Es.
	London City Coaster	2017	De Achtbaan út 1991 stie oarspronklik yn in Britsk ferdivedaazjepark. En hat fan 2008 oant 2016 by Nederlânske merken del reizge.
	Spûkhûs	2008	Ferfanger fan it eardere spûkhûs út de santiger jierren.
	Flying Heli's
	Mini Jet	1981	Is mei it attraksjepark mei ferhúze fan de Boerestreek nei de Noarder Es.
	Reuzenglijbaan		Is mei it attraksjepark mei ferhúze fan de Boerestreek nei de Noarder Es.
	Waterglijbaan	1995	Is mei it attraksjepark mei ferhúze fan de Boerestreek nei de Noarder Es.
	Ferkearssirkwy	2017	De ynfentaris fan it ferkearspark komt oarspronklik fan Verkeerspark Assen.
	Impactor	2026

Ferdwûne attraksje

Namme		Iepene	Ofbrútsen	Opm.
	Super Nova	2007	2025	Reizge earder oer de Nederlânske merken, en giet wer werom nei de Merke.
	De Flying Swing	2008	2025	Reizge earder by Dútske merken del.

Keppelings om utens

• (ned) Offisjele webside fan Attraksjepark Duinen Zathe

Boarnen, noaten en/as referinsjes:

Offisjele webside fan Attraksjepark Duinen Zathe Commons Wikimedia Commons  Ofbylden dy't by dit ûnderwerp hearre, binne te finen yn de kategory Duinen Zathe fan Wikimedia Commons.