Uitgeverij Atlas

Ut Wikipedy
(Trochwiisd fan Atlas (útjouwerij))
Jump to navigation Jump to search
Uitgeverij Atlas
algemien
nasjonaliteit Flag of the Netherlands.svg Nederlânsk
type privaat
sektor útjouwerij
haadkertier Amsterdam (Noard-Hollân)
oprjochte 1991
opdoekt 2012
oprjochter Emile Brugman, Ellen Schalker
opgien yn Uitgeverij Atlas Contact
mem NDC VBK
offisjele webside
www.uitgeverijatlas.nl

Uitgeverij Atlas wie in algemiene literêre útjouwerij dy't fêstige wie yn Amsterdam en yn oktober 1991 oprjochte waard troch Emile Brugman en Ellen Schalker. Geandewei de 1990-er en 2000-er jierren ûntjoech dit bedriuw him ta ien fan 'e meast foaroansteande útjouwerijen fan Nederlân. Atlas publisearre likernôch hûndert nije titels yn 't jier op it mêd fan fiksje en non-fiksje, wêrby't it gie om sawol oarspronklik Nederlânsktalich as oerset wurk. De útjouwerij spesjalisearre him yn 't bysûnder op 'e publikaasje fan reisliteratuer, literêre non-fiksje, poëzij, strips en werútjeften fan literêre klassikers.

Skiednis[bewurkje seksje | boarne bewurkje]

Yn 'e mande mei twa oare útjouwerijen foarme Atlas yn 't earstoan de literêre tûke fan 'e Veen Uitgeversgroep, dy't letter opgie yn earst de Veen, Bosch & Keuning Uitgeversgroep, en wer letter ûnderdiel waard fan NDC VBK. Binnen dy lêste organisaasje foarme Atlas yn 'e mande mei Augustus, Business Contact, L.J. Veen, Houtekiet en de pocketútjouwerij Pandora / Olympus / Eldorado de groep Amstel Uitgevers. Yn 2011 waard Emile Brugman as direkteur fan Atlas opfolge troch Erna Staal, dy't fan Uitgeverij Contact kaam. Yn 2012 fúzjearren Atlas en Contact ta de Uitgeverij Atlas Contact. Staal ferliet de nije útjouwerij yn 2014.

Skriuwers[bewurkje seksje | boarne bewurkje]

Guon auteurs fan wa't wurk by Atlas ferskynde, wiene Asis Aynan, Alain de Botton, Jeroen Brouwers, Kristien Hemmerechts, Mensje van Keulen, Geert Mak, Haruki Murakami, Cees Nooteboom, Frank Westerman en Erik Zevenhuizen.

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: