Gundebold

Ut Wikipedy
(Trochwiisd fan "Aldgillis III")
Gean nei: navigaasje, sykje

Gundebold, Gondebald of ek wol Aldgillis III wie in legindaryske Fryske kening, dy't libbe hawwe soe fan 725 oant 760, en dy't tusken 748 en 760 regearre hawwe soe oer de Friezen. Hy folge syn heit Aldgillis II op doe't hy kaam te ferstjerren. Syn soan Redbad II soe de lêste ûnôfhinklike kening fan Fryslân west hawwe. Gundebold hie it regear oer Fryslân eastlik fan 'e Lauwers (it hjoeddeistige Grinslân en East-Fryslân) en oer de Eastfryske Eilannen. Dit omdat syn pake de Slach oan de Boarn fan 'e Franken ferlern hie. Gundebold soe mei 7.000 striders dielnommen hawwe soe oan 'e striid fan Karel de Grutte tsjin 'e Sarasenen yn Spanje. Hy soe dêr tagelyk mei Roeland sneuvele wêze yn 'e Slach by Roncesvaux. Yn tal fan Midsiuwske kroniken, dy't net altyd wier binne, wurdt fan him ferslach dien, foar it earst yn 'e kronyk fan Pseudo-Turpyn healwei de 12e iuw. Neffens dizze kroniken wie Gondebold in pakesizzer fan de histoaryske kening Redbad en wie Dibbold, de stamhâlder fan 'e lettere boarchgreven fan Leien, in soan fan sines.

Boarnen, noaten en referinsjes[boarne bewurkje]

Boarnen, noaten en/as referinsjes:
  • Ph. H. Breuker en A. Janse, Negen eeuwen Friesland - Holland, Ljouwert - 1997, side 21, 115, 118-119.