Early Bird

Early Bird
band
Byldmateriaal ûntbrekt
algemiene ynformaasje
nasjonaliteit	Nederlânsk
sjongtaal	Ingelsk
sjenre	Country
bestean	1963 - 1994

Early Bird wie in Fryske countryband oprjochte yn Akkrum en wie aktyf tusken 1963 en 1994. De bandnamme waard yn it earstoan skreaun as Earlybirds, letter as Early Bird.

Skiednis

Yn 1963 wurdt yn Akkrum de countrygroep Earlybirds oprjochte troch bassist Albert Veld en sjonger/gitarist Henk Waringa, oanfold mei drummer Koene Paulusma en sjonger/gitarist Siebren Bangma. Nei in EP en twa albums wurdt yn 1970 de groepsnamme feroare yn Little Ben & Drivers.
Veld en Waringa beslute yn 1975 de trie wer op te pakken as Early Bird. Bystien troch steelgitarist Sjoerdjan de Wit, gitarist Martin Kootje en drummer Appie Bijlsma wurket de groep hurd oan nij repertoire. De band wurdt dan bystien troch de Fryske sjongster Aukje Kuiken.
Yn 1977 spilet Early Bird op in ynternasjonaal countryfestival yn West-Dútslan. Sjongster Fransien Jellema komt dan by de band. Der wurdt in soad yn it bar-dancing en jeugdsoas sirkwy optreden yn Noard-Nederlân. By Killroy ferskynt yn 1978 de earste single ‘Mother Played The Dobro’. Letter dat jier stappe Fransien, Martin en Sjoerdjan nei muzikale mieningsferskillen út de band en rjochtsje de groep New Deal op, in groep dy’t mar in pear jier bestean sil en sûnder folle súkses trije singles en in album opsmite sil. As nije bandleden wurde eks-Grinzer ‘Zusjes’-sjongster Karina Henssens (ek in solo single yn datselde jier), gitarist Harry Zijlstra en steelgitarist Meine Bruinsma oanlutsen.
Yn 1979 ferskynt it earste album First Flight en de dêrôf lutsen single Saturdaynight's Allright by it label Killroy fan Johnny Hoes, dat in soad country-eftige popmuzyk útbringt. Ap Bijlsma giet nei de groep fan Kelly White. Eks Shaky Sam-drummer Leo Roodhof Nancy and the Sinatras komt foar him yn ’t plak. Nei santjin jier ferlit mei-oprjochter Albert Veld Early Bird. Syn opfolger is bassist Ronald Lighthart. Drummer Koene Paulusma (dy’t yn eardere besettings yn de jierren sechtich by de groep aktyf west hat) nimt it plak efter it drumstel wer yn. Early Bird wikselt geregeld fan gearstalling. Sjongster Karina makket plak foar Janet Kelery, dy’t ek mar koart by de groep bliuwt, krekt as gitarist Klaas Levinga (1980-1981). Meine Bruinsma en Pieter Langius hearre dan ek by de groep.
Op 23 febrewaris 1991 jout de band syn ôfskiedskonsert. Mar Early Bird dûkt yn 1994 ynienen wer op als country-duo, besteande út oerlid Henk Waringa en Karin Wieling. Dan wurdt it wer stil.

Oarspronklike besetting

• Henk Waringa – gitaar, sang
• Janet Kelery - sang
• Klaas Levinga - gitaar
• Koene Paulusma - drums
• Meine Bruinsma - pedalsteel
• Pieter Langius - basgitaar, fioele
• Ronald Ligthart - basgitaar

Oare muzikanten:

• Albert Veld – basgitaar
• Ap Bijlsma – drums
• Aukje Kuiken – sang
• Fransien Jellema – sang
• Harry Zijlstra – gitaar
• Karina Henssens – sang
• Leo Roodhof – drums
• Martin Kootje - gitaar
• Siebren Bangma – gitaar, sang
• Sjoerdjan de Wit - pedalsteel
• Charley de Jong - drums

Diskografy

singles:

• I Can Only Hope That You Forgive
• Railroad Bum
• Mother Played The Dobro ( 1978 )
• Saturdaynight’s Allright ( 1979 )
• Born In A Manger ( 1980 )
• Hey Mr. Dj ( 1981)
• My Beautiful Lady ( 1988 )

albums (as LP):

• Earlybirds ( 1966 )
• Country & Western Songs ( 1968 )
• Country & Western Songs ( 1970 ) ûnder de namme Little Ben & Drivers
• First Flight ( 1970 )
• Fly Away ( 1980 )
• The Sound Of Country Music ( 1983 )
• On The Wing ( 1987 )

CD

• Early Bird ( 1988 ) as werútjefte fan The Sound of Country Music út 1983
• The Best Of Early Bird ( 1992 ) kompilaasje