Stiermarken

Stiermarken Steiermark (Dútsk) Štajerskais (Sloveensk)
Flagge	Wapen
Lokaasje
Geografy
Soarte gebiet	dielsteat (Bundesland)
Lân	Eastenryk
Haadstêd	Graz
Oerflak	16.401,04 km²
Befolking
Ynwennertal	1.246.395 (2020)
Befolkingstichtens	75,79 / km²
Bûtenlanners	11,5 % (2020)
Amtlike taal	Dútsk en Sloveensk
Polityk
Landeshauptmann	Hermann Schützenhöfer    (ÖVP)
Regearjende partijen	ÖVP en SPÖ
Ferdieling sitten yn    dielsteatsparlemint    (Landtag, 48 sitten)	ÖVP: 18 SPÖ: 12 FPÖ: 8 Grüne: 6 KPÖ: 2 NEOS: 2
Lêste ferkiezings	24 novimber 2019
Folgjende ferkiezings	2024
Sitten yn Federale Ried	9
Oar
Stifting	1945
Folksliet	Dachsteinlied
ISO 3166-2	AT-6
Tiidsône	UTC +1
Simmertiid	UTC +2
Webside	www.steiermark.at

Stiermarken (Dútsk: Steiermark, Sloveensk: Štajerskais) is in dielsteat fan Eastenryk. De haadstêd en it grutste plak fan de dielsteat is Graz. Fan de njoggen Eastenrykske dielsteaten is Stiermarken mei in befolking fan 1.246.395 (2020) wat ynwennertal oanbelanget de fjirde dielsteat. Wat oerflak oanbelanget is Stiermarken de twadde dielsteat.

Oant it ein fan de Earste Wrâldkriich wie it folle gruttere Hartochdom Stiermarken in kroanlân yn it Keizerryk Eastenryk, sûnt 1867 yn Eastenryk-Hongarije. Sûnt de ynstoarting fan de dûbelmonargy yn oktober/novimber 1918 en it Ferdrach fan Saint-Germain (1919) heart it súdlike diel, likernôch in fearn fan it histoaryske kroanlân, by Sloveenje.

Griene Hert fan Eastenryk

Stiermarken hat as bynamme Grüne Mark en wurdt ek wol it Griene Hert fan Eastenryk neamd. Goed 60% fan it oerflak fan Stiermarken bestiet út bosk en nochris in fearn út greide en wyngaarden. It heechste punt fan Stiermarken foarmet mei 2.995 meter hichte de Dachstein, it leechste punt leit mei 200 meter hichte eastlik fan Bad Radkersburg. Dêrnjonken hat de dielsteat 788 berchtoppen boppe de 2.000 meter.

• 

Befolking

Yn Stiermarken wurde ferskate dialekten praat, dy't fan plak oant plak fan inoar ferskille. Sûnt 2004 wurde de lytse Sloveenske en Kroatyske mienskippen as autochtoane minderheden erkend. De autochtoane Sloveenske mienskip is de lêste jierren troch immigraasje út Sloveenje wat grutter woarn.

De befolking is foar likernôch 80% roomsk en falt ûnder it bisdom Graz-Seckau, dat mei de grinzen fan de dielsteat oerienkomt. Fierder is der in protestantske (5%) en in islamityske (2%) minderheid. Likernôch 10% fan de befolking jout gjin leauwe op.

Grutste plakken neffens ynwennertal

Plak Ynwennertal (2020) Graz 291.072 Leoben 24.471 Kapfenberg 22.609 Bruck an die Mur 15.787 Feldbach 13.450 Gratwein-Straßengel 12.846 Knittelfeld 12.597 Leibnitz 12.437 Deutschlandsberg 11.797 Weiz 11.663

Bestjoerlike yndieling

Stiermarken is ûnderferdield yn 1 Statutarstadt (in selsstannige stêd) en 12 Bezirke (distrikten). Der binne 286 gemeentes, wêrfan 25 stêden en 122 Marktgemeinden.

Distrikt	Bestjoerssit	Oerflak yn km²	Ynwenners	Kenteken
Bruck-Mürzzuschlag	Bruck an der Mur	2.156.93	98.697	BM (sûnt 01.07.2013; âld: BM resp. MZ)
Deutschlandsberg	Deutschlandsberg	864	60.410	DL
Graz	Graz	127	291.072	G
Graz-Umgebung	Graz	1.084.55	156.070	GU
Hartberg-Fürstenfeld	Hartberg	1.224.28	90.606	HF (sûnt 01.07.2013; âld: HB resp. FF)
Leibnitz	Leibnitz	749.97	84.756	LB
Leoben	Leoben	1.053,49	59.700	LE = Stêd Leoben
				LN = alle oare plakke bûten de stêd Leoben
Liezen	Liezen	3.318.72	79.652	LI = Bereich Liezen (âld: tw. BA = Politische Expositur Bad Aussee oant ein 2011)
– dêrfan Politische Expositur Gröbming	Gröbming	954.85	22.820	GB = Gröbming
Murau	Murau	1.385,48	27.543	MU
Murtal	Judenburg	1.675.81	71.698	MT (sûnt 01.07.2012; âld: JU resp. KF)
Südoststeiermark	Feldbach	982.96	84.036	SO (sûnt 01.07.2013; âld: FB resp. RA)
Voitsberg	Voitsberg	678.18	51.044	VO
Weiz	Weiz	1.097.94	90.654	WZ

• Bruck-Mürzzuschlag ûnstie op 1 jannewaris 2013 troch gearfoeging fan de distrikten Bruck an der Mur en Mürzzuschlag.
• Graz is in selsstannige stêd en tagelyk in distrikt.
• Hartberg-Fürstenfeld ûntstie op 1 jannewaris 2013 troch gearfoeging fan de distrikten Hartberg en Fürstenfeld
• Murtal ûnstie op 1 jannewaris 2012 troch gearfoeging fan de distrikten Judenburg en Knittelfeld
• Südoststeiermark ûnstie op 1 jannewaris 2013 troch gearfoeging fan de distrikten Feldbach en Radkersburg

• Ofbylden Stiermarken
• 
  Graz, riedshûs
• 
  Krumpensee
• 
  Mariazell
• 
  Riegersburg
• 
  Slot Hainfeld
• 
  Enstal mei op de eftergrûn de Grimming

Keppeling om utens

• (ned) Toeristyske side Stiermarken

Commons

Wikimedia Commons

Ofbylden dy't by dit ûnderwerp hearre, binne te finen yn de kategory Stiermarken fan Wikimedia Commons.