Baalbek

Ut Wikipedy
Gean nei: navigaasje, sykje
Baalbek
بعلبك‎
Ruïne fan de timpel fan Jupiter
Ruïne fan de timpel fan Jupiter
Sifers
Ynwennertal 82.608 (2008)
Oerflak 7 km²
Stêdekloft 105.000
Hichte 1170 m
Polityk
Lân Libanon
Gûvernemint Bekaa
Distrikt Baalbek
Oar
Tiidsône EET (UTC+2)
*Simmertiid (UTC+3)
De Timpel fan Bacchus yn Baalbek.

Baalbek of Balabakk is in stêd yn Libanon. De namme hâldt yn "Baäl en Bekaa". De stêd leit yn de Bekaafallei, tusken de rivieren Litany en Orontes yn it distrikt mei deselde namme Baalbek. De stêd is benammen bekend fanwege har Romeinske ruïnes.

Skiednis[bewurkje seksje | edit source]

De stêd waard oarspronklik boud troch de Foenysjers en stie yn de hellenistyske tiid bekend as Heliopolis. De god Baäl wie - lykas Helios- ûnder mear de god fan de sinne.

De bloeitiid fan Baalbek begûn yn 15 f. Kr. doe't de stêd provinsjehaadstêd waard ûnder de princeps Augustus. Baalbek wie ûnder de Romeinen in wichtich religieus sintrum. De timpel wijd oan Jupiter luts earder alle jierren tûzenen besikers. Utsein de timpel foar Jupiter wie der in timpel foar Bacchus- en ien foar Fenus. De Romeinske gebouwen wienen oplutsen op âlden ruïnes.

De stêd hat yn de rin fan de skiednis in protte te leiken hân troch oarloggen en natoerrampen. Yn 635 waard Baalbek troch de Arabieren ferovere. De Omajjaden hawwe de stêd yn 748 ferwoaste. In grutte ierdskodding yn 1759 hat in protte skea oanbrocht.

Under de Israelysk-Libaneeske krisis fan 2006 waard de stêd troch it Israëlyske leger swier bombardearre omdat er neffens harren Hezbollahstriders sieten.

Yn 1984 waarden de ferskillende ruïnes fan Baalbek troch UNESCO ta Wrâlderfgoedbesit ferklearre.

Moderne stêd[bewurkje seksje | edit source]

Yn 1981, it jier fan de lêste folkstelling hie de stêd 50.000 ynwenners. Oant en mei de Libanese Boargerkriich wie de stêd troch in spoarlyn ferbûn mei Damaskus en Beiroet.

Keppeling om utens[bewurkje seksje | edit source]