Algiers
Ut Wikipedy
Algiers is de haadstêd fan Algerije yn it noarden fan Afrika. It leit oan de noardkust fan it lân, en hat in tal ynwenners fan likernôch 1.500.000 miljoen. Yn de gânse stêdekloft wenje likernôch 2.500.000 minsken.
De stêd hat in seehaven en in wichtige tekstyl- en learyndustry. It is dêrneist benammen in universiteitstêd. Algiers bestiet út twa dielen: in modern diel, op in flak gebiet oan de seekust boud en de âlde stêd dy't tsjin de steile heuvels leit en ûnder oare út de kasba of sitadel bestiet. Dizze kasba stiet sûnt 1992 op de Wrâlderfgoedlist fan UNESCO.
Ynhâld |
[bewurkje seksje] Skiednis
Algiers wie eartiids in seerôvernêst dêr't ek in soad Fryske seelju as galeislaaf lije moasten. Faak waard yn de tsjerke fan de Republyk kollektearre om slaven frijkeapje te kinnen. In Harnzer fregat die yn 1779 mei oan de tuchtiging fan Algiers.
[bewurkje seksje] Iepenbier tagonklike gebouwen fan belang
- de kasbah
- de regearingsgebouwen (foarhinne it Britse konsulaat)
- de paleizen fan de gûverneur-generaal en de aartsbiskop, dy't allegear Moarske gebouwen binne
- de Grutte en de Nije moskee
- de Basilyk fan Algiers (katolike katedraal)
- de eardere katedraal fan H. Filippus (boud om 1893, no in moskee)
- de tsjerke fan de Hillige Trije-ienheid (Tsjerke fan Ingelân)
- de Natsjnale Bibeteek fan Algiers (Bibliothèque Nationale d'Alger), in Turks paleis dat yn 1799 en 1800 boud is
[bewurkje seksje] Demografy
Algiers hat in befolking fan sa'n 2,072,993 (2007).[1]
De etnyske ferdieling is: 59% mei in Arabysk-talige eftergrûn, 38% fan Berber-talige komôf en 3% út it bûtenlân, meast út Sina, Fietnam, en Maly.
- 1950 - 300,000 ynwenners.
- 1960 - 900,000 ynwenners.
| Jier | Populaasje |
|---|---|
| 1977 (Sensus) | 1,353,826 |
| 1987 (Sensus) | 1,507,241 |
| 1998 (Sensus) | 1,519,570 |
| 2007 (Rûzing) | 2,072,993 |
[bewurkje seksje] Ferskaat
[bewurkje seksje] Berne yn Algiers
- Marcel Molines (22 desimber 1928), Algerijnsk hurdfytser
- Djamel Zidane (28 april 1955), fuotballer
- Nouria Mérah-Benida (19 oktober 1970), Algerijnsk atlete, wûn goud op de Olympyske Spullen
- Rafik Saïfi (7 febrewaris 1975), Algerijnsk fuotballer
- Djabir Saïd-Guerni (29 maart 1977), middellangeôfstânsrinner
| Boarnen, noaten en/as referinsjes: |
