Yoka Berretty

	Yoka Berretty
	akteur
	Yoka Berretty yn 1974
	persoanlike bysûnderheden
echte namme	Johanna Ernistina Petrusa Meijeringh
nasjonaliteit	Nederlânsk
berne	8 maaie 1928
berteplak	Rotterdam
stoarn	28 novimber 2015 (87 jier)
stjerplak	Rijswijk
jierren aktyf	1954-2000
	offisjele webside
	Yoka Berretty yn de IMDb

Yoka Berretty, pseudonym fan Johanna Ernistina Petrusa Meijeringh, (Rotterdam, 8 maaie 1928 – Rijswijk, 28 novimber 2015) wie in Nederlânske aktrise en sjongster. Se ferskynde yn 35 films en telefyzjeprogrammas tusken 1954 en 2000.

Hja begûn har karriêre yn Italjaanske films as: Angela (1955, Edoardo Anton, Dennis O’Keefe) de hitfilm Pane, amore e... (1955, Dino Risi), La banda degli onesti (1956, Camillo Mastrocinque) en Gli occhi senza luce (1956, Flavio Calzavara) en spile yn ynternasjonale produksjes as The Last Blitzkrieg (1959, Arthur Dreifuss) en Das Letzte Kapitel (1961, Wolfgang Liebeneiner).

Begjin jierren 60 wie hja ien fan de haadpersoanen yn de satiryske telefyzjerige Zo is het toevallig ook nog eens een keer en hie sy in rol yn de spylfilm De Overval.

Yn 1994 spile hja in rol yn de film Eva fan Theo van Gogh.

Sy is boaske mei Andreas Landshof, soan fan de útjouwer Fritz Helmut Landshoff enRuth Hellberg, in Dútsk aktrise (û. o. der Postmeister) en is de mem fan regisseur Benjamin Landshoff.

Yoka Berretty stoar yn de âldens fan 87 yn it sikehûs, nei't se in wike earder fan de trep fallen wie.

Filmografy

Makkers, staakt uw wild geraas (1960) - frou Lomijn
Rufus (1975) - Theresa
Charlotte (film) (1981) - Frau Morgan
De Dageraad (tf) (1991) - Josephine Taylor
Eindeloos leven (tf) (1994) - Eva
Advocaat van de Hanen (1996) - mem Quispel
In het belang van de staat (1997) - frou Den Dulk
Baantjer (telefyzjerige) ôflevering: De Cock en de moord op ome Arie (2000) - Leentje

Keppeling om utens

Yoka Berretty yn de IMDb