Springe nei ynhâld

Wy kam fram Fryslân

Ut Wikipedy

'Wy kam fram Fryslân' is in nûmer fan de Fryske band De Hûnekop yn gearwurking mei sjonger Oele Plop. Op 14 july 2022 ferskynde it as single.[1]

Eftergrûn[bewurkje seksje | boarne bewurkje]

Wy kam fram Fryslân is skreaun troch bandleden Emiel Stoffers en Jeroen Seinstra. Stoffers sjongt it nûmer yn stienkoalingelsk, wylst Plop foar de sprutsen Fryske teksten en foar it pianospul soarget. [2] Stoffers rekke ynspirearre om it nûmer te skriuwen nei in reis troch Austraalje, dêr't minsken him fregen wêr't hy wei kaam. Hy fertelde altyd dat er út Fryslân kaam, mar de lokale befolking wie net bekend mei de provinsje.[2] Dan lei er altiten út dat hy út it noarden fan Nederlân kaam.[3] Neffens him is it nûmer bedoeld om de provinsje Fryslân mear bekendheid bûten Nederlân te jaan. Yn de tekst wurdt Fryslân dan ek net as provinsje beskreaun, mar as in lân tusken Denemark en Nederlân leit.[4]

'Wy kam fram Fryslân' waard in Fryske hit. Yn in wike tiid waard de byhearrende fideoklip 70.000 kear op YouTube en 100.000 kear op Facebook besjoen. Der wie lykwols ek krityk op de klip: de band soe hjiryn reklame meitsje foar in nij eigen drankje. Stoffers ferdigene dizze kar troch te sizzen dat cd-ferkeapen en streamingstsjinsten net genôch jild opsmieten. [4] Oan 'e ein fan 2022 begûn de band in aksje om it nûmer op it earste plak yn de jierlikse NPO Radio 2 Top 2000 te krijen. [5] De nûmer 1-posysje waard net helle, mar it nûmer kaam wol op plak 788 de list binnen.[6] [7]

Yn de Fryske Top 100 fan 2022 kaam it nûmer binnen op nûmer 1. [8]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. De nieuwe clip van de Hûnekop is trending op YouTube: 'Dit wurdt ús grutste hit'
  2. 2,0 2,1 Friestalige band De Hûnekop maakt single in het Engels, tenminste, een soort van. Beluister 'We kam fram Fryslân' hier - Ljouwerter Krante
  3. De Hûnekop wil Fryslân internationaal op de kaart zetten - Al het nieuws uit Burgum
  4. 4,0 4,1 Engelstalig lied 'Wy kam fram Fryslân' van De Hûnekop gaat viral - Omrop Fryslân
  5. De Hûnekop wil met 'Wy kam fram Fryslân' op nummer 1 in de Top 2000 komen - Omrop Fryslân
  6. De Hûnekop komt op plaats 788 binnen in Top 2000, net iets lager dan De Kast - Omrop Fryslân
  7. Aan deze gemeenten heeft De Hûnekop z'n Top 2000-stunt te danken, Omrop Fryslân, 16 desimber 2022
  8. 'Wy Kam Fram Fryslân' van De Hûnekop nieuwe nummer 1 in Fryske Top 100, Ljouwerter Krante, 31 desimber 2022