Aldgryksk

"Aldgryksk" hat yn de Wikipedy ferskate betsjuttings:

• Myseensk Gryksk (16de-9de iuw f.Kr.): de âldste oerlevere foarm fan it Gryksk, yn it saneamde Lineêr B-skrift, op likernôch 6000 klaaitabletten en potdiggels, fan 'e 15de of de 14de iuw f.Kr. ôf. Dit soe de taal fan Grikelân west hawwe foarôfgeande oan 'e hypotetyske Doaryske Ynfaazje.
• Aldgryksk (yn ingere sin) (9de-4de iuw f.Kr.): de taal fan Homêros en de klassike Ateenske historisy en toanielskriuwers; fierder op te dielen yn 2 tiidrekken:
  • Argaysk Gryksk (9de-6de iuw f.Kr.)
  • Klassyk Gryksk (5de-4de iuw f.Kr.)

en teffens yn ferskate dialekten:

• Eastlik Aldgryksk
  • Attysk
  • Ioanysk
• Sintraal Aldgryksk
  • Arkado-Syprioatysk
  • Eoalysk
• Westlik Aldgryksk)
  • Doarysk
  • Noardwestdoarysk
  • Acheesk-Doarysk

• Hellenistysk Gryksk of Koinè (4de iuw f.Kr.-300 n.Kr.): in fuortsetting fan it Attyske dialekt fan it Klassyk Gryksk; de taal fan Aleksander de Grutte en it Nije Testamint.

Ta it Aldgryksk wurde net rekkene de folgjende taalperioaden:

• Proto-Gryksk (3de milennium f.Kr.-17de iuw f.Kr.): de hypotetyske, net oerlevere taal dy't yn Grikelân sprutsen waard foarôfgeande oan 'e ynfluks fan Helleenske lânferhuzers út 'e Balkan wei. Dit soe de ierste foarm fan it Gryksk wêze dy't te ûnderskieden wie fan in mienskiplike Yndo-Jeropeeske taal.
• Let Gryksk (4de iuw n.Kr.-±800).
• Midsiuwsk Gryksk (±800-1453).
• Nijgryksk (1453-no).

Dit is in betsjuttingsside, bedoeld om ûnderskied te meitsjen tusken ferskillende siden mei de namme Aldgryksk. Op dizze side stean koarte beskriuwings fan de ferskate siden, mei keppelings dêrhinne. At jo hjir belâne binne fia in side op de Wikipedy, dan kinne jo dêr de ferwizing nei dizze side oanpasse, dat takomstige lêzers fuort op de goede side telâne komme.