Waskbearen

waskbearen
In krabbeslinende waskbear (Procyon cancrivorus).
Taksonomy
ryk:	dieren (Animalia)
stamme:	rêchstringdieren (Chordata)
ûnderstamme:	wringedieren (Vertebrata)
klasse:	sûchdieren (Mammalia)
skift:	rôfdieren (Carnivora)
ûnderskift:	hûndieren (Caniformia)
tuskenskift:	poalrôfdieren (Arctoidea)
boppefamylje:	marterdieren (Musteloidea)
famylje:	lytse bearen (Procyonidae)
ûnderfamylje:	echte waskbeareftigen    (Procyoninae)
tûke:	waskbearen en sibben    (Procyonini)
ûndertûke:	echte waskbearen (Procyonina)
skaai:	waskbearen (Procyon)
Storr, 1780

De waskbearen (wittenskiplike namme: Procyon) foarmje in skaai fan 'e klasse fan 'e sûchdieren (Mammalia), it skift fan 'e rôfdieren (Carnivora), de boppefamylje fan 'e marterdieren (Musteloidea), de famylje fan 'e lytse bearen (Procyonidae), de ûnderfamylje fan 'e echte waskbeareftigen (Procyoninae), de tûke fan 'e waskbearen en sibben (Procyonini) en de ûndertûke fan 'e echte waskbearen (Procyonina).

Beskriuwing

Ta dit skaai hearre trije 3 libbene soarten, wêrfan't de (gewoane) waskbear (Procyon lotor) út Noard- en Midden-Amearika sûnder mis it bekendst is. De oare beide soarten komme foar yn 'e tropen: de krabbeslinende waskbear (Procyon cancrivorus) fan Súd-Amearika en de Cozumelwaskbear (Procyon pygmaeus), dy't yn syn ferspriedingsgebiet beheind is ta it Meksikaanske eilân Cozumel. Waskbearen steane bekend om harren knaphandigens mei de 'hannen', dêr't se bgl. ôfsletten jiskefetten en doarren mei iepenje kinne. De neiste sibben fan 'e waskbearen binne de noasbearen of koätys (Nasua) fan Latynsk-Amearika.

Soarten

skaai waskbearen (Procyon) Cozumelwaskbear (Procyon pygmaeus) krabbeslinende waskbear (Procyon cancrivorus) waskbear (Procyon lotor)

Ferskate oare soarten dy't foarhinne ta dit skaai rekkene waarden, wurde no sjoen as ûndersoarten fan 'e (gewoane) waskbear. Dêrby giet it om 'e Bahamaanske waskbear (P. l. maynardi), de Gûadelûpwaskbear (P. l. minor), de Tres-Mariaswaskbear (P. l. insularis) en de útstoarne Barbadoswaskbear (P. l. gloveralleni). In fyfde soarte, Procyon brachyurus (Wiegmann, 1837), waard beskreaun op basis fan twa fongen eksimplaren, mar de identiteit fan dit bist is net mear nei te kommen mei't de preservearre restanten fan 'e beide bisten wei rekke binne.

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Procyon (genus) fan Wikimedia Commons.