Wapen fan Tsjummearum
It wapen fan Tsjummearum is it wapen fan it doarp Tsjummearum, yn de Fryske gemeente De Waadhoeke. It wapen waard yn 2012 registrearre.
Beskriuwing
[bewurkje seksje | boarne bewurkje]De blazoenearring fan it wapen is:
Yn read in sulveren swurd mei in gouden hânfetsel, rjochts beselskippe fan in botfisk en lofts fan in leelje, alles fan goud; in blau skyldhaad, belein mei in gouden nôtier, mei de stâle nei lofts.
De heraldyske kleuren binne: kiel (read), sulver, goud en azuer (blau).
Symbolyk
[bewurkje seksje | boarne bewurkje]- Swurd: symboal foar Martinus fan Toers, beskermhillige fan de Sint-Martinustsjerke fan Tsjummearum.
- Botfisk: stiet foar de fiskerij.
- Leelje: oernommen út it wapen fan de famylje Roorda, dy't westlik fan it doarp in state bewenne.
- Nôtier: ferwiist nei it wapen fan Barradiel, de gritenij en gemeente wêr't it doarp eartiidsk part fan wie.
