Wadway

Ut Wikipedy
Jump to navigation Jump to search
Lizzing fan Wadway
Lizzing fan Waadwei

Wadway is in doarp yn de gemeenten Medemblik en Opmeer yn de provinsje Noard-Hollân leit. It doarp yn West-Fryslân hat 420 ynwenners (2004).

Wadway leit tusken de doarpen Spanbroek en Wognum. De buorren fan it doarp leit yn de gemeente Opmeer. Hoewol't it in eigen kearn is, wurdt it bytiden dochs by de grutte plakken ûndeferdield. Sa wurdt it gedielte yn de gemeente Opmeer ta it doarp Spanbroek rekkene en it stik yn de gemeente Medemblik by it doarp Wognum. Oant 1 jannewaris 2007 foel it gedielte yn de gemeente Medemblik ûnder de eardere gemeente Wognum, dat sels opgien is yn de fúzjegemeente Medemblik.

It plak is al frij âld, yn de 11e iuw wurdt it doarp al neamd as Wadwey. Yn 1310 komt it foar as Watwey. De plaknamme is in gearlûking fan Waad, dat 'trochwaadber plak' betsjut en Way, dat 'wei' (weidlân) betsjut.

Wadway is lanlik bekend troch de Teätertsjerke fan Wadway, in tsjerke dêr't in teater yn fêstige is. De tsjerke sels, de Magdalena Tsjerke, is fan 1547. Yn de jierren fyftich fan de 20e iuw rekke de tsjerke yn ferfal. It waard in teatertsjerke neidat de souder fan Harry van Scherpenberg út Hoarn te lyts waard om toaniel te spyljen foar it publyk dat toaniel sjen woe en socht om in nije romte. Foar de tsjerke waard de Stifting Wadway oprjochte yn 1966 dy't én de tsjerke restaurearje moast én de tsjerke geskikt te meitsjen foar teater. Yn septimber waard de tsjerke offisjeel iepene as teater. Al gau waard de teatertsjerke berucht oant úteinlik populêr en wurdearre by publyk en artysten.

Yn it doarp wurdt der fierders alle jierren yn septimber ringstekken en in autocross organisearre.