Verchotoerje

Verchotoerje
Flagge	Wapen
Sifers
Ynwennertal	8.525 (2021)
Oerflak	9 km²
Befolkingstichtens	947 ynw./km²
Hichte	115 m (sintrum)
Polityk
Lân	Ruslân
Oblast (prov.)	Sverdlovsk
Oar
Stifting	1723
Tiidsône	UTC +5
Simmertiid	gjin simmertiid
Koördinaten	58° 52' N 60° 48' E
Webside	adm-verhotury.ru

Verchotoerje (Russysk: Верхотурье; oerset: "Boppe de Toera") is ien fan de âldste russyske plakken eastlik fan de Oeral en it âldste plak fan de oblast Sverdlovsk. It leit likernôch 300 kilometer noardlik fan Jekaterineburch oan de lofter kant fan de Toera, in sydrivier fan de Tobol.

Skiednis

It plak waard yn 1597 as in ostrog op it plak fan de Mansyske delsetting Neromkarr stifte by in ekspedysje fan Vasili Golovin en Ivan Vojejkov. Al gau waard it plak in bestoerlik sintrum foar de kolonisaasje fan it gebiet. Oant healwei de 18e iuw wie it sels in wichtich ekonomysk sintrum foar Sibearje. Om dy tiid hinne hellen lykwols Jekaterineburch en Pervo-oeralsk Verchotoerje yn. De stêd waard sûnt dy tiid in belangryk otterdoks sintrum en is dat noch jimmeroan.

Yn 1926 ferlear it plak de status fan stêd, dy't yn 1947 werom jûn waard.

It besjen wurdich

Grutte dielen fan de âldste stêd binne bewarre bleaun, it neamen wurdich binne û.o.:

• It kremlyn fan Verchotoerje: it iennige kremlyn fan de Sintrale-Oeral; tusken 1699 oant 1712 yn stien werboud. It is it jongste en lytste kremlyn fan Ruslân. Yn it kremlyn stiet de barokke Trije-ienheidskatedraal.
• It Pokrovski-kleaster (Foarbeakleaster; it earste nonnekleaster fan Sibearje).
• It Nikolaaskleaster, dat ta de grutste kleasters fan it lân heart.
• De houten arsjitektuer yn de stêd.

Befolkingsûntwikkeling

Jier	1856	1897	1959	1970	1979	1989	1992	2000	2010	2015	2022
Befolking	3.000	3.200	10.917	9.688	8.966	8.973	9.000	8.400	8.820	8.748	8.525

Commons

Ofbylden dy't by dit ûnderwerp hearre, binne te finen yn de kategory Verchotoerje fan Wikimedia Commons.