Tsjerke fan Sint-Gajane

Sint-Gajanetsjerke Սուրբ Գայանե եկեղեցի Lokaasje lân Armeenje provinsje Armavir plak Edzjmiatsin koördinaten 40°9'NB, 44°17'EL Tsjerklike gegevens tsjerkegenoatskip Armeensk-Apostoalyske Tsjerke Arsjitektuer boujier 630-634 Kaart
Katedraal en tsjerken fan Edzjmiatsin en archeologysk Zvarnots UNESCO-wrâlderfgoed UNESCO folchnûmer 1011 kritearia (ii) (iii) ynskriuwing 2000 gebiet 74.3 ha UNESCO-wrâlderfgoedlist

De Sint-Gajanetsjerke (Armeensk: Սուրբ Գայանե եկեղեցի; Sûrb Gajane) is in 7e-iuwsk tsjerkegebou yn 'e stêd Edzjmiatsin, it religieuze sintrum fan Armeenje. De tsjerke stiet tichteby de katedraal út it jier 301.

De Sint-Gajanetsjerke waard yn opdracht fan katolikos Ezra I yn it jier 630 boud. Nettsjinsteande renovaasjes fan 'e koepel en it ferwulft yn 1652 bleau it ûntwerp fan 'e tsjerke yn 'e rin fan 'e tiid itselde.

Gajane wie in troch de Armeensk-Apostoalyske Tsjerke hillich ferklearre abdis, dy't tegearre mei oare nonnnen yn it jier 301 troch kening Tiridates III fanwegen har kristlike leauwe fermoarde waard.

Sûnt 2000 foarmet de Gajanetsjerke tegearre mei oare tsjerken fan 'e stêd ûnderdiel fan it UNESCO-wrâlderfgoed 'Katedraal en tsjerken fan Edzjmiatsin en archeologysk Zvarnots'.

Boarnen, noaten en referinsjes

Boarnen, noaten en/as referinsjes:

Beskriuwing kleaster op Armenica.org Commons Wikimedia Commons  Ofbylden dy't by dit ûnderwerp hearre, binne te finen yn de kategory Sint-Gajanetsjerke fan Wikimedia Commons.