Tsjasker It Heidenskip

	Tsjasker It Heidenskip
	mûne / mole
	lokaasje
lân	Nederlân
provinsje	Fryslân
gemeente	Súdwest Fryslân
plak	It Heidenskip
adres	Heidenskipsterdyk 14
koördinaten	52°57' N 5°29' E
	bysûnderheden
type mûne	pealtsjasker
funksje	poldermûne
flecht	5,4 meter
boujier	1915
	oare ynformaasje
monumintale status	ryksmonumint
monumintnûmer	39519
	Kaart
	;

De Tsjasker It Heidenskip is in poldermole en ryksmonumint by buorskip It Heidenskip yn 'e gemeente Súdwest-Fryslân. De pealtsjasker waard boud yn 1915 en is de âldste pealtsjasker fan Nederlân dy't nea fan syn plak ferhûze. It is ien fan 'e mûnen fan Mûnestifting Súdwest-Fryslân (foarhinne Mûnestifting Nijefurd).

De tsjasker waard yn opdracht fan Jan Noordenbos yn 1915 troch H. Dijksma út Gythoarn boud foar de ûnderbemealling fan polder nû. 287. By de bou makke Dijksma gebrûk fan in âlde grenehouten peal fan 'e Galamadammen, dy't pas om 2010 hinne ferfongen is. Yn 1977 is de pealtsjasker restaurearre.

Yn oktober 2013 waard de tsjasker by in stoarm skansearre en waard it wjukkekrús fernield. De skea is rillegau wer ferholpen.

De mûne is mealree.