Trije-ienheidskleaster (Tsjernihiv)

Ut Wikipedy
Springe nei navigaasje Springe nei sykjen
Trije-ienheid-Elía Kleaster

Троїцько-Іллінський монастир

Trije-ienheidskatedraal
Trije-ienheidskatedraal
lokaasje
lân Flag of Ukraine.svg Oekraïne
oblast Flag of Chernihiv Oblast.png Oblast Tjernihiv
plak Alex K Chernihiv prapor 1992.svg Tsjernigov
bysûnderheden
type bouwurk Kleaster
boujier 1679-1695 (katedraal)
arsjitekt Johann Baptist Sauer, Vilnius (katedraal)
boustyl Oekraynske barok
webside Side fan it kleaster

It Trije-ienheidskleaster (Oekraynsk: Троїцько-Іллінський монастир; Trjoitsko Illinskyj Monastyr) yn Tsjernihiv yn de Oekraïne is in kleaster fan de Oekraynsk-Otterdokske Tsjerke (patriargaat Moskou). It kleaster waard om 1069 hinne stifte troch de otterdokske hillige Antonyj Antonij Petsjerskyj dy't foar de monastike delsetting op it plak grotten begûn út te graven.

Skiednis[bewurkje seksje | boarne bewurkje]

It tsjintwurdige kleaster datearret fan 1649 en waard yn opdracht fan de kozakkenlieder Stepan Pobodajlo op 'e nij stifte, nei't it âlde kleaster al yn de tiid fan de Mongoalske ynfallen fan 1239 ferlitten wie. Ut de iere tiid fan it oarspronklike grotkleaster mei ûnder- en boppegrûnske gebouwen bleaune de boppegrûnske Elíatsjerke en de Antoniusgrotten mei meardere ûndergrûnske kapellen bewarre. It hjoeddeiske oansjen fan de eastlik fan it kleaster steande Elíatsjerke is it risseltaat fan in 18-iuwske barokke rekonstruksje. Noardwestlik fan de Elíatsjerke stiet in trijeledige klokketoer yn de jierren 1908-1910.[1] It kleaster wie yn de 17e iuw de sit fan de aartbiskoppen fan Tsjernihiv.

De katedraal mei trije koepels

Under it Sovjet-regear waard it kleaster opheft. Nei de ferfolgings fan de ateïstyske autoriteiten waard de katedraal mei de oangrinzgjende grûn yn 1988 werom jûn oan de Tsjerke. Dêrnei waard de tsjerke de katedraal fan it bisdom Tsjernihiv.

Op inisjatyf fan aartsbiskop Lazar Baranovitsj waard yn de jierren 1679-1695 de Trije-ienheidkatedraal boud. Sûnt dy tiid draacht it kleaster ek de namme fan de Trije-ienheid. De katedraal heart ta de moaiste foarbylden fan de Oekraynske barok. In brân yn 1731 wie de oarsaak dat de trijeskippige katedraal foar lange tiid fan de oarspronklike sân mar trije koepels besiet: in grutte sintrale koepel en twa westlike koepels. De koepels dy't by de brân fan 1731 ferlern gien wiene, binne yn de jierren 1980 rekonstrueare.

Yn de katedraal binne 17e oant 19e muorreskilderings bewarre bleaun, de tsjintwurdige ikonostaze is 20e iuwsk.[2]

Gebouwen[bewurkje seksje | boarne bewurkje]

It kleaster bestiet út de folgjende gebouwen:

  • De Elíatsjerke (2e helte fan de 12e iuw);
  • de Trije-ienheidskatedraal (1679-1689)
  • Refektoariumtsjerke Marije-Timpelgong (1677-1679)
  • De klokketoer (1775).

Keppeling om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Dizze side is alhiel of foar in part in oersetting fan de Russysktalige Wikipedyside; sjoch foar de bewurkingsskiednis: ru:Покровский монастырь (Киев)