Tjalling Waterbolk

Ut Wikipedy
Jump to navigation Jump to search
Tjalling Waterbolk (1978)
Waterbolk (achter) en Stapert (1978) as tsjûgen by it proses Vermaning

Harm Tjalling (Tjalling) Waterbolk (Havelte, 1924) is in Nederlânsk emeritus-heechlearaar yn de archeology oan de Ryksuniversiteit Grins.

Libben[bewurkje seksje | boarne bewurkje]

Nei de stúdzje biology yn Grins wurke er as assistint palynology fan Albert Egges van Giffen. Sadwaande koe er it mêd biology en archeology by elkoar bringe. Hy promovearre by Van Giffen yn 1954 op it proefskrift De prehistorische mens en zijn milieu. Fan 1954 oant 1987 wie Waterbolk heechlearaar-direkteur fan it Biologysk-Archeologysk Ynstitút fan de Ryksuniversiteit Grins as opfolger fan Van Giffen, mei de learopdracht Prehistorie en Germaanse archeologie.

Waterbolk publisearre benammen oer de typology fan prehistoaryske en midsiuwske hûsplattegrûnen, fersterke delsettingen yn Noard-Drinte, delsettingsterritoriums en bewenningskontinuïteit. Sûnt 1970 is hy lid fan de Keninklike Nederlânske Akademy fan Wittenskippen. Waterbolk is noch altyd warber op syn mêd en publisearre noch in standertwurk oer hûsplattegrûnen yn Noard-Nederlân.

Saak Vermaning[bewurkje seksje | boarne bewurkje]

Waterbolks karriêre sil altiten ferbûn bliuwe mei de affêre Vermaning. Dizze amateur-archeolooch kaam oansetten mei op it each spektakulêre fynsten út Drinte, dy't de bewenningsskiednis fan dy krite mei tritich- oant fyftichtûzen jier ferlinge soene. Oarspronklik stipe Waterbolk him (ek finânsjeel) en skreau er oer de fynsten [1], mar nei ûndersyk troch Waterbolks promovendus Dick Stapert waard Vermaning oanklage fanwegen bedroch. Vermaning waard yn 1977 feroardiele, mar yn heger berop yn 1978 frijsprutsen. Waterbolk kaam yn syn oantinkens út 2003 (Scherpe stenen op mijn pad) wiidweidich op'e saak werom.

By Waterbolk promovearre[bewurkje seksje | boarne bewurkje]

Publikaasjes (karút)[bewurkje seksje | boarne bewurkje]

  • Walled enclosures of the Iron Age in the north of The Netherlands, Palaeohistoria 19 (1977) 97-172)
  • Das mittelalterliche Siedlungswesen in Drenthe. Versuch einer Synthese aus archäologischer Sicht, yn: H.W. Böhme (red.), Siedlungen und Landesausbau zur Salierzeit, I. In den nördlichen Landschaften des Reiches (Sigmaringen 1991) 47-108
  • Archeologie, yn: J. Heringa e.a. (red.), Geschiedenis van Drenthe (Meppel/Amsterdam 1985) 15-90).
  • Uit het leven van een landschap. Geschiedenis van de zorg voor natuur en landschap in Drenthe (1999)

Literatuer[bewurkje seksje | boarne bewurkje]

  • J. Bazelmans, J. Kolen en H.T. Waterbolk, On the natural history of the peasant landscape, an archaeological dialogue with Tjalling Waterbolk

Boarnen, noaten en referinsjes[boarne bewurkje]

Boarnen, noaten en/as referinsjes:
  1. J.D. van der Waals & H.T. Waterbolk: 'The middle palaeolithic finds from Hogersmilde'. Yn: Palaeohistoria. XV, 1973, s. 35-120
  2. http://retro.nrc.nl/W2/Nieuws/1998/12/11/Rtv/02.html
  3. https://hoogleraren.ub.rug.nl/hoogleraren/1820-waals-johannes-diderik-van-der
  4. https://profs.library.uu.nl/index.php/profrec/getprofdata/2279/5/6/0