Taco Roorda

Ut Wikipedy
Gean nei: navigaasje, sykje
Taco Roorda

Taco Roorda (Britsum, 19 july 1801Leien, 5 maaie 1874) wie in letterkundige,

Taco Roorda studearre yn Grins teology. Yn 1824 sleat er syn stúdzje ôf mei in promoasje ta doktor. It jier dêrop krige hy in Grinzer earedoktoraat yn de letteren. Ynearsten waard Roorda dûmny yn Lytsegast yn Grinslân.

Yn 1828 waard Roorda professor yn de Easterske talen te Amsterdam. Yn 1835 ferwiksele hy Amsterdam mei Delft. Syn learopdracht wie dêr taal-, lân-, en folkekunde yn Nederlânsk-Ynje. Yn 1864 waard Roorda professor oan de Ryksynstelling foar Yndyske taal-, lân- en folkekunde te Leien.

Roorda, waans namme no noch yn fakrûntes neamd wurdt, wie foaral spesjalist yn it Javaansk. Dêrnjonken hat hy learboeken en beskôgings skreaun oer taalkunde en oer teologyske ûnderwerpen.