Swipedei

Ut Wikipedy

Swipedei is in dei yn july as op De Jouwer riden wurdt om de Gouden Swipe. Yn 2016 waard fan dit evenemint de 30e edysje holden. De dei wurdt organsearre troch de Hurddraverij en Rinferiening De Jouwer dy't al sûnt 1885 bestiet. De feriening is dêrmei ien fan de âldste draafsportferienings fan Nederlân. Sûnt 1928 wurde de draverijen op de Nutsbaan fan de Jouwer hâlden. Dêrby kin middels de toto ek jild ynsetten wurde. Der binne meardere soarten draverijen lykas in stayerskoers en in monteedraverij foar amazônes. Sûnt 2007 is der ek in Friezerace "ûnder de man", de ruters ride dan ûnder seal. Der is ek in ponyrace, hjirby wurdt ek striden om in lytse Jouster stuoltsjesklok.

Der wurdt twa kear yn it jier koerse. Begjin july de “Swipedei” en ein septimber of begjin oktober de Jouster merkekoersen dêr't de winnende eigener/of pikeur (elk jier om bar) in spesjaal makke Jouster stuoltsjesklok yn ûntfangst nimme mei. De Gouden Swipe binne iepenbier tagonklik.

As priis stelde direkteur fan Douwe Egberts, Hessel Douwes de Jong destiids de Gouden Swipe beskikber. At in dielnimster de swipe trije kear efter elkoar of fiif kear yn totaal wûn, dan mocht se de wikselpriis hâlde. Yn 1985 barde dat. Frou Janna Dragt-Peenstra út Sonnegea fersloech doe de oare pikeurs foar de fyfde kear en mocht se de Gouden Swipe hâlde. Dêrnei waard in nije swipe beskikber steld, mei de betingst dat it altyd in wikselpriis bliuwe soe. Yn 2006 stoppe Douwe Egberts mei de sponsoring en joech de Gouden Swipe yn eigendom fan de organisearjende Jouster Hurddraverij- en Rinferiening. De eardere gemeente Skarsterlân naam de sponsoring oer (sûnt 2014 gemeente De Fryske Marren). Yn it ferline krigen de winnaressen fan de Gouden Swipe de trofee in jier lang mei nei hûs ta. De Jouster Hurddraverij- en Rinferiening hat lykwols oanjûn de swipe op in iepenbier plak oan it publyk toane te wollen. Sûnt jannewaris 2012 stiet de trofee yn it gemeentehûs.

By it 100-jierrich bestean fan de feriening waard in reüny hâlden foar alle winneressen fan de Gouden Swipe.

Winneressen fan de Gouden Swipe[bewurkje seksje | boarne bewurkje]

  • 1971 - Gré Bakker
  • 1972 - Janna Dragt-Peenstra
  • 1973 - Janna Dragt- Peenstra
  • 1974 - Nancy van Ooyen
  • 1975 - Marleen Imming
  • 1976 - Ria Ast
  • 1977 - Ria Pools
  • 1978 - Miep Elzinga
  • 1979 - Janna Dragt-Peenstra
  • 1980 - Janna Dragt-Peenstra
  • 1981 - Gertien Bosma
  • 1982 - Mieke van der Werf
  • 1983 - Sonja Suykerbuyk
  • 1984 - Ineke den Besten
  • 1985 - Janna Dragt-Peenstra
  • 1986 - S. Volgers-Calis
  • 1987 - M. de Rijk-France
  • 1988 - frou Schokker
  • 1989 - K. Smits
  • 1990 - E.G. Hagenau
  • 1992 - J.M.J. van der Meer
  • 1993 - M. Mol
  • 1995 - Agnes Beerda
  • 1996 - M.J.C. Middelweerd
  • 1997 Ellen Schagen
  • 1998 - Debbie Post
  • 1999 - Debbie Post
  • 2000 - Ellen Schagen-Imming
  • 2001 - Annemiek Beekman
  • 2002 - Gaby Hendriks
  • 2003 - Mariel Mol
  • 2004 - Gaby Hendriks
  • 2005 - Hilda Hofstra
  • 2006 - Mariel Mol
  • 2007 - Mariel Mol
  • 2008 - Hiltsje Tjalsma
  • 2009 - Hiltsje Tjalsma
  • 2010 - Annicka Duijf
  • 2011 - Paula Bakker
  • 2012 - Chantal van Ooyen
  • 2013 - Hiltje Tjalsma
  • 2014 - Karen Schagen
  • 2015 - Hiltsje Tjalsma
  • 2016 - Hiltsje Tjalsma
  • 2017 - Lotte de Vlieger
  • 2018 - Hiltsje Tjalsma
  • 2019 -