Swanneblom

wite wetterleelje

De swanneblom (net te betiizjen mei de swannepopel) of de wite wetterleelje (Nymphaea alba) is in algemien foarkommende wetterplant mei driuwende blêden. De swanneblom groeit yn stilsteand en swak streamend wetter mei in djipte fan maksimaal 3 m. De plant kin ridlik goed tsjin wetterfersmoarging.

De blêden binne sa goed as rûn en driuwe op it wetteroerflak. Se hawwe in hertfoarmige foet. De blêdstâle is rûn en hat grutte luchtkanalen dy't lucht nei de woartelstôk geliede.

Swanneblommen hawwe geurige wite blommen mei in trochsneed fan 10-20 sm die op it wetteroerflak driuwe. De allinichsteande blommen stean allinnich op silindryske blomstâlen. Der binne tweintich oant fiifentweintich puntige kroanblêden en fjouwer tsjelkblêden. De sittende stimpels foarmje in oranjegiele knop mei acht oant fjouwerentweintich stimpelstrielen.

De frucht, dy't ûnder wetter ripet, hat meastal de foarm fan in flesse, mar is soms bolfoarmich. De siedden wurde troch it wetter fersprieden.

De plant hâldt fan sinne en bloeit meastal yn de moannen juny oant augustus.

• 

  swanneblom

• 

  swanneblom

• 

  rôze fariëteit

• 

  fersprieding fan 'e swanneblom

Sjoch ek

• Swanneblommen, in earder Frysk tydskrift.

Keppeling om utens

• SoortenBank.nl-side - Swanneblom (Nederlânsk)

Ofbylden dy't by dit ûnderwerp hearre, binne te finen yn de kategory Nymphaea alba fan Wikimedia Commons.