Spoardok (Snits)

Ut Wikipedy
Jump to navigation Jump to search

It Spoardok is in earder swimbad en tsjintwurdich natoergebiet yn de stêd Snits.

Untstean[bewurkje seksje | boarne bewurkje]

It Spoardok is om 1880 ûntstien troch de oanlis fan de spoarline Ljouwert-Starum by Stasjon Snits lâns. De grûn dy't nedich wie foar de bou fan de line waard op dit plak ôfgroeven, wêrtroch't in stedsmar ûntstie.[1]

Swimbad[bewurkje seksje | boarne bewurkje]

Yn 1888 waard it Spoardok oanwiisd as swimbad foar de ynwenners fan Snits. De Sneeker Zweminrichting wie ferantwurdllik foar de eksploitaasje en boude in gebou mei ûnder mear klaailokalen, Yn de wintermoannen waard riden op it Spoardok, ûnder mear troch iisklup Friso. Yn Snits wie yn dy tiid noch in plak om te baaien, te witten it baaihûs oan de Badhûsgrêft.[2]

Deade en sluting[bewurkje seksje | boarne bewurkje]

Op 29 juny 1937[3] slút it gemeentebestjoer fan Snits it swimbad nei it ferstjerren fan de hear Mendelsohn. Mendelsohn, learaar oan it Steedlik Gymnasium, ferstoar oan de Sykte fan Weil. Nei ûndersyk blykte it te kommen troch it swimwetter, wêrnei't it bad sluten waard. It tal rotten wie yn de lêste dagen like grut as it tal swimmers, sa meldt it argyf.[1]

As ferfanging fan it Spoardok-bad, waard troch gemeente de opdracht jûn foar de bou fan it swimbad yn it Boargemaster de Hooppark. Tsjintwurdich is dit swimbad It Rak.

Natoergebiet[bewurkje seksje | boarne bewurkje]

Nei it sluten fan it swimbad feroare it gebiet geandewei yn in griene sône flak bûten de drokke binnenstêd fan Snits. Der ûntstie in natoergebiet mei in grut ferskaat oan planten en bisten.[4] Yn it gebiet komme bysûndere bisten foar lykas de marflearmûs, de iisfûgel en de reidsjonger. [5]

Nijbou[bewurkje seksje | boarne bewurkje]

Yn 2006 komt in diel fan de omwenjenden, yn de mande mei ûnder mear de SP, yn ferset tsjin de bou fan wentuorrren neist it Spoardok. Der wurdt in petysje oanbean mei mear as 4.000 hântekeningen, mar de bou wurdt dochs trochsetten.[6] Op 20 febrewaris 2008 waard de earste peal slein fan De Wjukslach, de gebouwen waarden yn 2009 oplevere.[7]

Sjoch ek[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. 1,0 1,1 It gebou fan de Snitser Swimynrjochting yn it Spoardok, Snits, Frysk Skipfeartmuseum.
  2. Expo VHS over zwem- en badinrichtingen, Sneeker Nieuwsblad.
  3. Sulveren plakette mei foarstelling fan it swimbad yn Snits, Frysk Skipfeartmuseum.
  4. Natoergebiet Spoardok op Wikimapia.
  5. http://diensten.iszf.nl/swf/ro.../t_NL.IMRO.009100002008Hemdijk-.pdf
  6. Bouplannen op Wjukslachterrein geane gewoan troch, SP Súdwest Fryslân.
  7. Accolade