Sint-Joariskatedraal (Gûs-Chrûstalny)

Ut Wikipedy
Springe nei navigaasje Springe nei sykjen
Sint-Joariskatedraal
De katedraal oan it begjin fan de 20e iuw
De katedraal oan it begjin fan de 20e iuw
lokaasje
lân Flag of Russia.svg Ruslân
oblast Flag of Vladimir Oblast.jpg Vladimir
plak Flag of Gus-Khrustalny (Vladimirskaya oblast).svg Gûs-Chrûstalny
bysûnderheden
type bouwurk Katedraal
boujier 1892-1903
arsjitekt Leonti Nikolajevitsj Benois

De Sint-Joariskatedraal (Russysk: Георгиевский собор; Georgijevski sobor) is in earder otterdoks tsjerkegebou yn de russyske stêd Gûs-Chrûstalny. Op it stuit wurdt de katedraal brûkt troch it Kristal Museum, dat diel útmakket fan it iepenloftmuseum Vladimir-Sûzdal.

Skiednis[bewurkje seksje | boarne bewurkje]

De tsjintwurdige katedraal sûnder klokketoer en koepels

De bou fan de katedraal fûn plak yn de jierren 1892-1903 neffens in ûntwerp fan de arsjitekt Leonti Benois. De as trijebeukige basilyk mei in ferhege middenskip ûntwurpen bou waard finansjeel mooglik makke troch de glêsfabrikant Joeri Netsjaev-Maltsov.

De tsjerke waard yn 1904 ynwijd ta eare fan Sint-Joaris en neffens in plan fan Viktor Vasnetsov fersierd mei mozaïeken, dy't foar in diel bewarre bleaun binne.

Yn de tiid fan it ateïstyske belied yn de Sovjet-Uny waarden de koepel, de klokketoer en de boppeste dielen fan de katedraal ferneatige. De katedraal waard sletten yn 1924 en tsjinne û.o. as bioskoop, sportskoalle en muzykskoalle. Sûnt 1983 krige it Kristal Museum de tsjerke om te brûken.

Yn 2019 waard der foar it earst sûnt lange tiid wer in Godlike Liturgy yn de katedraal opdroegen.

Boarnen, noaten en referinsjes[boarne bewurkje]

Boarnen, noaten en/as referinsjes:

Dizze side is alhiel of foar in part in oersetting fan de Russysktalige Wikipedyside; sjoch foar de bewurkingsskiednis: ru:Георгиевский собор (Гусь-Хрустальный)