Gûs-Chrûstalny

Ut Wikipedy
Springe nei navigaasje Springe nei sykjen
Gûs-Chrûstalny
5acd1fcb67568tz portfolio 1523392459 XL.jpg Barbarakapel (1882-1885)
Flagge Wapen
Flag of Gus-Khrustalny (Vladimirskaya oblast).svg Coat of Arms of Gus-Khrustalny (Vladimir oblast).png
Sifers
Ynwennertal 54.533 (2018)
Oerflak 43 km²
Befolkingstichtens 1268.21 / km²
Stêdekloft
Hichte 125 m
Polityk
Lân Flag of Russia.svg Ruslân
Oblast Flag of Vladimir Oblast.jpg Vladimir
Oar
Stifting 1756
Simmertiid (UTC+3)
Webside Side fan de stêd

Gûs-Chrûstalny (Russysk: Гусь-Хруста́льный) is in stêd yn it oblast Vladimir yn Ruslân. De stêd leit oan de rivier Gûs (in sydrivier fan de Oka), likernôch 63 km súdlik fan Vladimir.

Gûs-Chrûstalny waard healwei de 18e iuw stifte mei de bou fan in kristalfabryk. It krige de status fan stêd yn 1931.

Etymology[bewurkje seksje | boarne bewurkje]

De namme fan it plak kin oerset wurde as "kristal-goes". De stêd stiet bekend as ien fan de âldste sintra fan de glêsyndustry yn Ruslân en leit oan de Gûs (oerset: goes). Alhoewol't de fûgel ek yn it wapen fan de stêd te sjen is, binne der redenen om oan te nimmen dat de namme net streekrjocht ôflaat is fan de goes, mar earder fan de Slavyske term goes foar in grutte (fan tsien liter of mear) flesse.

Befolkingsûntwikkeling[bewurkje seksje | boarne bewurkje]

Jier Ynwennertal
1939 40.225
1959 54.158
1970 64.516
1979 71.598
1989 76.360
2002 67.121
2010 60.784
2018 54.533

It besjen wurdich[bewurkje seksje | boarne bewurkje]

Eksposearre glês yn de Joariskatedraal fan Gûs-Chrûstalny

Ien fan de monuminten yn de stêd is de Sint-Joariskatedraal, yn 1904 boud neffens in plan fan de arsjitekt Leonti Nikolajevitsj Benois en wijd oan de hillige Joaris. Foar in diel bleaune de fresko's fan de tserke bewarre. Op it stuit wurdt it gebou brûkt troch it Kristal Museum. Sûnt 2019 wurde der wer tsjinsten yn de katedraal holden.

De Trije-ienheidstsjerke fan de stêd stamt út 1816, doe't by de kristalfabryk yn it doedestiidske doarp in oan Anna en Joachim boude neoklassisistyske tsjerke boud waard. Yn de jierren 1848-1850 waard de tsjerke útwreide mei in refter, in Trije-ienheidskapel en in klokketoer. De tsjerke waard yn 1936 sletten en brûkt troch de brânwar, mar yn de 1989 werom jûn oan de Russysk-Otterdokse Tsjerke en moast hast folslein rekonstruëarre wurde.

It keunstmjittich oanleine mar yn de stêd wurdt troch sawol toeristen as ynwenners in soad besocht.

Gûs-Chrûstalny makket diel út fan de toeristyske Gouden Ring fan Ruslân.