Sint-Jakobstsjerke fan Kanakar

Ut Wikipedy
Jakobstsjerke

Սուրբ Հակոբ եկեղեցի

bouwurk
lokaasje
lân Armeenje
plak Jerevan
adres Distrikt Kanaker-Seytun
bysûnderheden
boujier 1695

De Sint-Jakobstsjerke fan Kanaker of Surb Hakob (Armeensk: Սուրբ Հակոբ եկեղեցի) is in let 17e-iuwsk tsjerkegebou yn de Armeenske haadstêd Jerevan. De tsjerke falt ûnder it bisdom Ararat fan de Armeensk-Apostoalyske Tsjerke en stiet yn it distrikt Kanaker-Seytun.

Skiednis[bewurkje seksje | boarne bewurkje]

Nei de ferneatiging fan de oarspronklike tsjerke troch de grutte ierdskodding fan 1679, fûn de weropbou fan de Jakobstsjerke plak mei help fan Hakobjan, in rike ynwenner fan Tbilisi.

Yn de Sovjet-tiid waard de tsjerke sletten foar de earetsinst en as pakhûs yn gebrûk nommen. Fanôf 1990 waard de tsjerke wer yn gebrûk nommen foar de earetsjinst.

Ynterieur

Beskriuwing[bewurkje seksje | boarne bewurkje]

De Sint-Jakobstsjerke is in trijeskippige basilyk sûnder sintrale koepel en mei in sealtek. It gebou hat yngongen oan de súdlike, westlike en noardlike kant. Yn de tsjerken binne fresko's te sjen fan hilligen. It haadalter stiet yn it eastlike diel, grinzgjend oan in sakristy. Súdwestlik fan de tsjerke stiet in dekorearre poarte út 1897.

Noarwestlik fan de Sint-Jakobstsjerke stiet yn Kanakar de Hillige Mem Gods-tsjerke út 1695. De tsjerke fertoant wat de arsjitektuer oanbelanget grutte oerienkomsten mei de Sint-Jakobstsjerke.

Boarnen, noaten en referinsjes[boarne bewurkje]

Boarnen, noaten en/as referinsjes:

Dizze side is alhiel of foar in part in oersetting fan de Ingelsktalige Wikipedyside; sjoch foar de bewurkingsskiednis: en:Saint Hakob Church of Kanaker