Senheim

Ut Wikipedy
Jump to navigation Jump to search
Senheim
Lokaasje fan Senheim yn it Landkreis Cochem-Zell
Lokaasje fan Senheim yn it Landkreis Cochem-Zell
Sifers
Ynwennertal 589 (31 desimber 2014)
Oerflak 12.57 km²
Hichte 91 meter boppe seenivo
Polityk
Lân Dútslân
Dielsteat Rynlân-Palts
Landkreis Cochem-Zell
Oar
Postkoade 56820
Webside www.senheim.de

It plak Senheim is in Ortsgemeinde, in gemeente dat diel útmakket fan de Verbandsgemeinde Cochem, yn it Landkreis Cochem-Zell yn de Dútske dielsteat Rynlân-Palts.

Senheim leit tusken wyngerds oan de Mûzel en foarmet mei it oan de oare kant fan de Mûzel lizzende Senhals ien gemeente. De beide dielen wurde sûnt 1967 troch in brêge ferbûn.

Skiednis[bewurkje seksje | boarne bewurkje]

Wapen fan Senheim

Yn'e midsiuwen lei hjir in wichtige oergong yn de rivier foar de hannel út de Lege Lannen nei Frankfurt am Main en Augsburg. Wynbou wie ek yn dy tiid al in wichtige foarm fan bestean.

Op 13 augustus 1839 waard Senheim troffen troch in grutte brân. It âlde, midsiuwske oansjen fan it plak mei ferdigeningsmuorren, tuorren en poarten gyng doe hast folslein ferlern. De tsjerke mei in pronkfol barok alter fan Januarius Zick, de pastorij en de romaanske wentoer wisten de ramp te trochstean. Senheim waard wer opboud mei in grutskalich strjittenplan. Tritich famyljes koene troch in tekoart oan romte net mear te plak yn harren âlde wenstee en moasten ferhûzje nei in nij stifte delsetting heger op de Hunsrück. Dit plak krige, nei de inisjatyfnimmer Friedrich Alexander Moritz, de namme Moritzheim.

Sûnt 1946 makket Senheim part út fan de nij stifte dielsteat Rynlân-palts. Op 7 novimber 1970 waard it plak by de Verbandsgemeinde Cochem foege.

It besjen wurdich[bewurkje seksje | boarne bewurkje]

Senheim en Senhals binne katolike plakken. Benammen de mei fresko's fersierde Maria Magadalenakapel yn Senhals is it besjen wurdich. Ek de barokke Katharinatsjerke fan Senheim mei de letromaanske toer foarmet in wichtich monumint. De wentoer út de earste helte fan de 13e iuw wie ea in diel fan in fersterke fâdij en waard yn 1307 mei de fâdij ûnderdiel fan de ferdigeningswurken.

Ôfbylden[bewurkje seksje | boarne bewurkje]

Keppeling om utens[bewurkje seksje | boarne bewurkje]