Redbad (biskop)

Ut Wikipedy
Jump to navigation Jump to search
Redbad op in ferwulftskildering yn de Broeretsjerke yn Swol.

De hillige Redbad fan Utert (of Radbod) (by Namen, om 850Ootmarsum, 29 novimber 917) wie biskop fan Utert fan 899 oant 917. Syn nammedagen binne 29 novimber en 25 juny (de dei fan syn translaasje).

Redbad waard mids 9e iuw berne út in Frankyske famylje fan namme ûnder de stêd Namen. Syn mem wie fan Frysk komôf en in neisiet fan de Fryske kening Redbad (stoarn yn 719).

Patroanhillige[bewurkje seksje | boarne bewurkje]

Yn Nederlân is Redbad de patroan fan de katolike wittenskipsbeoefening. Yn 1905 waard de Sint-Radboudstichting oprjochte mei it doel it befoarderjen fan it katolyk heger ûnderwiis yn Nederlân en benammentlik de oprjochting fan in katolike universiteit. Yn 1923 waard de Katolike Universiteit Nymwegen iepene en yn 1956 it Sint-Radboudsikehûs (no Radboudumc) dat dêr by heart. Op 1 septimber 2004 hat de universiteit de namme Radboud Universiteit Nijmegen oannaam.

Tsjerke fan Jorwert[bewurkje seksje | boarne bewurkje]

De iennige tsjerke fan Fryslân mei patroanhillige Redbad stiet yn Jorwert. Oannommen wurdt, dat de nei ‘Radboud (boadskipper fan goede ried)’ neamde tsjerke stifte is op grûn dy’t it eigendom wie fan de biskop.

Redbad, Radbod of Radbodus[bewurkje seksje | boarne bewurkje]

Ien biskop, in soad nammen. De hjoeddeiske Frysktaligen skriuwe de namme Redbad mei koarte lûden – dy fan de eardere kening lyksa – en de Nederlânsktaligen brûke eigentlik Radbod mar skriuwe hjoed-de-dei meastal Radboud. It Aldfrysk jout de namme Rêdbâd. Boppedat fynt men yn it Latyn de skriuwwize Radbodus.

Literatuer[bewurkje seksje | boarne bewurkje]

  • M. Carasso-Kok, Repertorium van verhalende historische bronnen uit de Middeleeuwen (De Haach, 1981); kritysk oersjoch fan wurken dy't oan Redbad taskreaun wurde (nrs. 8, 18, 52, 53, 62, 80, 88, 89, 352) en fan de hilligelibbens oer Redbad (nr. 75)
  • Vita Radbodi/ Het leven van Radboud, besoarge en oerset troch Peter Nissen en Vincent Hunink (Nymwegen 2004)
  • A.G. Weiler, Sint Radboud, bisschop van Utrecht [Deventer] van 899/900 tot 917. Pastor, geleerde, historicus, dichter en componist, Trajecta, tydskrift foar skiednis fan it katolyk libben yn Nederlân 12 (2003) 97-115
  • René Veenman,Radbouds Over de zwaluw, yn: Madoc 19 (2005) 194-203
  • Albrecht Diem, Radboud was behalve bisschop ook nog eens een groot geleerde… De heilige Radbod van Deventer en zijn geleerdheid kritisch bekeken, yn: ET VT (Nijmegen) 23 (2004) 83-97.

Boarnen, noaten en referinsjes[boarne bewurkje]

Boarnen, noaten en/as referinsjes:
Noat