Readhalsdûker

Readhalsdûker
taksonomy
Klasse: Fûgels (Aves) Skift: Dûkereftigen (Podicipediformes) Famylje: Dûkers (Podicipedidae)
soarte
Podiceps griseigena

Podiceps grisegena

De readhalsdûker (Podiceps griseigena) is krekt in slach lytser as de hjerringslynder. De 45 sm grutte fûgel komt allinnich yn de winter nei Fryslân. De readhalsdûkers briede meast yn East-Jeropa; oerwinterje dogge se rûnom de Noardsee mar ek wol yn Súd-Jeropa.

Uterlik

De readhalsdûker is yn it briedseizoen goed wer te kennen oan syn reade hals en syn griis-wite wangen. Winterdeis is er lykwols in stik minder maklik werom te kennen, om't er dan meast griis is. It meast opfallend is dan syn swarte snaffel mei giele woartel.

Fuortplanting

Lykas de hjerringslynders begjinne ek de readhalsdûkers yn april/maaie oan in opfallende pearfoarming. Foaral it wyfke briedt de 3-6 aaien yn sa'n 23 dagen út. De jongen ferlitte fuort it nêst mar sitte de earste 10 dagen noch wol by de âlden op de rêch. Dêrnei moatte se sels swimme. Nei sa'n 8-10 wike kinne se harsels rêde.