Protestantske tsjerke fan Hegersmilde
| Protestantske tsjerke fan Hegersmilde | ||
| ||
| ||
| Lokaasje | ||
| lân |  Nederlân
| |
| provinsje |  Drinte
| |
| plak |  Hegersmilde
| |
| adres | Rykswei 179 | |
| koördinaten | 52°54'N 6°23'E | |
| Tsjerklike gegevens | ||
| tsjerkegenoatskip | PKN | |
| Arsjitektuer | ||
| boujier | 1845 | |
| boustyl | neoklassisisme | |
| monumintale status |  ryksmonumint
| |
| monumintnûmer | 482947 [1] | |
| Webside | ||
| Side PKN Hegersmilde | ||
| Kaart | ||
  | ||
De Protestantske tsjerke fan Hegersmilde is de eardere herfoarme tsjerke en hjoeddedei de tsjerke fan 'e PKN-gemeente. De as wettersteatstsjerke boude tsjerke is sûnt 1995 in ryksmonumint.
Gemeente
[bewurkje seksje | boarne bewurkje]De PKN-gemeente Hegersmilde is ûntstien út in fúzje fan de Herfoarme gemeente en de grifformearde tsjerke. De fúzjeakte waard op 7 desimber 2008 tekene. Yn it ramt fan 'e fúzje waard oan 'e efterkant fan 'e tsjerke it moderne tsjerklike sintrum 'De Schakel' oanboud.
Beskriuwing
[bewurkje seksje | boarne bewurkje]
De tsjerke waard yn 1845 as ienfâldige sealtsjerke boud foar de Herfoarme gemeente fan Hegersmilde. It bouwurk telt fjouwer traveeën ûnder in sealtek en wurdt noardwestlik trijesidich ôfsletten. Boppe de súdeastlike gevel is in iepen spitske set. Fan 'e wei oant de dûbele tagong fan 'e tsjerke rint in dykje mei oan wjerskanten in rige monumintale linebeammen.
It ynterieur wurdt oerkape troch in houten tonferwulft.
Oargel
[bewurkje seksje | boarne bewurkje]It hjoeddeiske oargel waard yn 1913 boud troch M. Vermeulen foar de Grifformearde tsjerke fan Mearum. Yn 1961 ferhûze it oargel nei de Grifformearde tsjerke fan Hegersmilde. Om't de PKN-gemeente wol mei ien gebou ta koe waard de Grifformearde tsjerke te keap set, mar it oargel waard yn 2012 troch Mense Ruiter restaurearre en wer opboud yn 'e eardere Herfoarme tsjerke. It âlde oargel fan 'e Herfoarme tsjerke wie in ynstrumint út 1964 fan de firma H.J. Vierdag, dat yn 1970 troch dy oargelbouwer yn Hegersmilde opboud waard en yn 2012 trochferkocht waard oan de Nij-Apostoalyske tsjerke fan Arnhim.
Keppeling om utens
[bewurkje seksje | boarne bewurkje]| Boarnen, noaten en/as referinsjes: | ||
|
