Ponthrydyfen

Ut Wikipedy
Gean nei: navigaasje, sykje

Pontrhydyfen (of Pont-rhyd-y-fen) is in lyts doarp yn Neath Port Talbot yn Wales.

Akwadukt Pontrhydyfen

It doarp leit yn de delling fan de rivier Afan, op it plak dêr't de Afan en de lytsere Afon Pelenna yn elkoar oerrinne, in lytse 3 km benoarden it wat gruttere doarp Cwmafan en net sa fier fan de plakken Port Talbot en Neath.

Ut de skiednis[bewurkje seksje | edit source]

It eardere mynboudistrikt (stienkoal) falt op troch twa grutte 19e ieuske brêgen oer de fallei: in spoarbrêge (the red bridge) en in earder akwadukt, yn it Welsk Y Bont Fawr hjitten ("De Grutte Brêge"). Dy lêste is troch John Reynolds boud yn 1825, is 140 m lang en goed 23 m heech en fersoarge de wetteroanfier foar de mânske tsjellen fan de heechovens yn Cwmavon. It akwadukt is no in fuotgongersbrêge.

Ferneamde lju[bewurkje seksje | edit source]

Pontrhydyfen wie it berteplak fan de Hollywood akteur Richard Burton, de teater- en musicalakteur Ivor Emmanuel, de operasjonger Rebecca Evans en de Welske sjonger en lieteskriuwer Geraint Griffiths. It doarp hat in Richard Burton Appreciation Society.

Keppeling om utens[bewurkje seksje | edit source]