Pieter Albert Vincent van Harinxma thoe Slooten
.jpg)
Pieter Albert Vincent baron van Harinxma thoe Slooten (Beetstersweach 22 oktober 1870 - Beetstersweach 5 augustus 1954) wie Kommissaris fan de Keninginne yn Fryslân.
Van Harinxma studearre rjochten oan de Universiteit fan Leien dêr't er yn 1894 promovearre. Hy begûn syn karriêre as abbekaat yn Ljouwert en waard yn 1903 amtner op it ministearje fan Justysje. Yn 1909 folge hy syn heit, Binnert Philip van Harinxma thoe Slooten op as Kommissaris fan de Keninginne yn Fryslân. Hy bleau dat oant ein 1945.
Baron van Harinxma wie tige belutsen by "syn" provinsje. Hy wie in grutte stimulâns foar de ûntwikkelingen op wettersteatkundich mêd yn Fryslân. Ut wurdearring foar dat wurk waard in wichtige skipfeartrûte yn de provinsje nei him neamd: it Van Harinxmakanaal.
Fan de Fryske taal moast Van Harinxma net folle hawwe. In anekdoate wol dat er tsjin in nijkommer yn 'e steaten yn it stedsk sei: "wy bin hier went om geen Fries mar Nederlands te praten".
Nei de befrijing yn 1945 ûntstie der op it Fryske provinsjehûs in aparte situaasje. Mei op advys fan it ferset hie it regear yn Londen Kommissaris Van Harinxma thoe Slooten op non-aktyf set en âld-deputearre A.W. Haan as waarnimmer oanwiisd. Harinxma wegere lykwols syn wurk del te lizzen, ek neidat it Militêr Gesach him nochris in ferbod oplein hie. Hy koe net leauwe dat syn taktyske oanbliuwen yn 'e oarloch sa beleanne wurde soe en woe net sels ûntslach nimme. Yn novimber 1945 waard er earfol ûntslein, mar sûnder ôfskied. [1]
Sjoch ek
[bewurkje seksje | boarne bewurkje]Keppeling om utens
[bewurkje seksje | boarne bewurkje]- Meindert Schroor, 'Mr Pieter Albertus Vincent baron van Harinxma thoe Slooten (1870-1954). De laatste gouverneur van Friesland', út: Fryslân 6:2 (2000), s. 8-10. (argivearre)
| Boarnen, noaten en/as referinsjes: |
|