Piet Burger
Piet Burger (Andyk, 12 maaie 1929 – dêre, 22 april 2009) wie in timmerman en Nederlânske puzelmakker, 'kening fan it kryptogram'. Hy fersoarge trije desennia lang de puzelrubryk fan Elsevier en wie ek warber foar oare blêden.
As jonkje makke er al puzels yn ‘Nieuws van de dag’. Doe’t er fiif jier yn it sanatoarium lei begûn er sels puzels te meitsjen. Yn 1947 ferskynde syn earste puzel yn Denksport. Foar dat blêd wurke er fêst sûnt 1962. Yn 1973 begûn er puzels te meitsjen foar Elsevier. Syn rebus-kryptogram waard dêr in grut súkses. Neist kryptogrammen makke er ferskate oare puzels as bygelyks tovertijehoekjes, biste-duo’s en wurdlid-trochrinners.
Yn syn puzelmeitsjen wie er konservatyf: gjin lêstekens yn wurden, gjin wurden dêr’t minsken har oan steure koenen en de diagrammen altiten fjouwerkant of rjochthoekich mei in symmetryske yndieling fan swarte hokjes. Hy die alles mei de hân, dat in kompjûter hat er nea brûke wold. Foar de Dikke Van Dale levere er ferbetteringen oan. Boppedat levere er in soad materiaal oan foar de Opperlânske Taal & Letterkunde fan Hugo Brandt Corstius ofwol 'Battus'. Piet Burger libbe rêstich yn syn hûs yn Andyk, dêr’t er in buordsje mei “Margot Pyrc” by de doar hingjen hie. Troch soksoarte palindrooms waard er op de telefyzje troch Sonja Barend yn 1981 de 'Palindroomkening fan Andyk' neamd.
Yn 1978 ferskynde fan him it “Cryptogrammen. Leed.... Vermaak’’, útjûn troch Elseviers Weekblad. De cryptokonferinsje fan 2009 yn Cothen stie foar in grut part yn it teken fan de man dy't hast 55 jier lang puzelmakker wie.
Oer Piet Burger
[bewurkje seksje | boarne bewurkje]- Piet Burger uit Andijk (1929) ; Goochelaar met woorden en zinnen / Volkert J. Nobel. - West-Friesland Oud & Nieuw;
Bibliografy
[bewurkje seksje | boarne bewurkje]- Cryptogrammen, een handleiding (Amsterdam, 2009), ISBN 978-90-6882-728-6
- Cryptogrammen leed... vermaak... (1978)