Pearse pipertuolle

Pearse pipertuolle
taksonomy
ryk skimmels (Fungi) stamme stâltsjeswammen (Basidiomycota) klasse plaatsjesswammen (Agaricomycetes) skift tuolle-eftigen (Russulales) famylje tuollen (Russulaceae) skaai echte tuollen (Russula)
soarte
Russula sardonia
Fr (1838)
ferspriedingsgebiet
waarnimmings      gjin gegevens      gjin befêstige waarnimmings      net-Europeeske lannen.

De pearse pipertuolle (Russula sardonia; synonimen: R. drimeia, R. chrysodacryon en R. emeticiformis) is in poddestoel út de famylje Russulaceae.

Beskriuwing

De hoed fan 'e pearse pipertuolle is pears oant donkerread en likernôch 4 oant 10 sm grut mei by it âlder wurden yn 'e midden in dûk. Jonge poddestuollen binne heal bolfoarmich. De plaatsjes binne ljocht giel oant rjemmekleurich en steane ticht op inoar.

De 1-1,5 sm dikke stâl fan 'e pearse pipertuolle is yn 'e regel donkerread of -pears fan kleur en wat koarter as de trochsnit fan 'e hoed. De stâl is glêd en wurdt by it âlder wurden spûnseftich. De spoareprint is ljocht okergiel.

Ut en troch wurdt de soarte yn 'e typyske kleurfoarmen giel of grieneftich oantroffen. Sûnder mikroskopysk ûndersyk binne sokke eksimplaren dreech te determinearjen. Soarten dy't op 'e pearse pipertuolle lykje binne de spientuolle (R. caerulea), de appelrooktuolle (R. torulosa) en de poarperreade tuolle (R. queletii).

Fersprieding

De soarte komt yn Europa foar. Yn it suden fan Súd-Amerika en Súd-Afrika is de pearse pipertuolle yntrodusearre. It is in algemien soarte dy't op soere en sânige grûn by dinnebeammen yn 'e bosk en op heidefjilden op 'e grûn te finen is.

Ytberens

Pearse purpertuollen rûke nei fruit. Se binne net ytber en smeitsje bitter en skerp. Wurde se iten dan kinne se maach- en termklachten feroarsaakje.

Keppeling om utens

• (ned) Poddestoelen yn Fryslân
• (ned) Ferspriedingatlas yn Nederlân
• (ned) Soartebank

Boarnen, noaten en referinsjes

Boarnen, noaten en/as referinsjes:

Paddenstoelen, Peter Roberts en Shelley Evans, ISBN 978-90-8998-668-9 Poddestuollen, Fryske Natoergids, Sake P. Roodbergen, ISBN 978 949 205 236 0 Flora Europa, oproppen 16 novimber 2024. Commons Wikimedia Commons  Ofbylden dy't by dit ûnderwerp hearre, binne te finen yn de kategory Pearse pipertuolle fan Wikimedia Commons.