KNKB

Ut Wikipedy
(Trochferwiisd fan Nederlânske Keatsbûn)
Logo KNKB

It Keninklike Nederlânske Keatsbûn of KNKB is it bûn dêr't de measte keatsferienings yn Nederlân by oansletten binne.

Skiednis[bewurkje seksje | boarne bewurkje]

It KNKB is op Pinkstermoandei 7 juny 1897 as Fryske Keatsbûn oprjochte troch Willem Westra op inisjatyf fan keatsferiening Jan Bogtstra út Frjentsjer. Dy dei waard ek de earste Bûnspartij keatst. It bûn waard letter werneamd ta it Nederlânske Keatsbûn (NKB), en krige letter it predikaat Keninklik. Op 1 april 1994 is it KNKB fusearre mei it Kristlike bûn foar de Fryske Keatssport, CFK, mar behold de namme KNKB.

Aktiviteiten[bewurkje seksje | boarne bewurkje]

Utsein de PC is it bûn formeel de organisator fan alle offisjele keatspartijen, wêrûnder de Nêderlanske kampioenskippen yn alle troch it bûn fêststelde kategoryen. It is it oerlisorgaan fan alle oansletten keatsferienings yn Nederlân, dy't ek wol ôfdielings neamd wurde. It soarget ek foar genôch, kwalitatyf goed materiaal, kaderfoarming en de bûnstreningen foar selektearre keatsers. It bûn is ek de behearder fan it Keatsmuseum, yn Frjentsjer.

Ynternasjonaal[bewurkje seksje | boarne bewurkje]

It KNKB is oansletten by de ynternasjonale keatsfederaasje CIJB (Confederation Internationale du Jeu de Balle), dêr't ûnder oaren ek it Belgysk Keatsbûn, de Frânske Jeu de Paume federaasje, de Italiaanske Pelota Elastico federaasje en it Falensiaansk keatsbûn mei ferbûn binne.

Ledetallen[bewurkje seksje | boarne bewurkje]

[1]

Jier Ledetal Ferienings Boarne
2022
2021 9.430 108
2020
2019 10.545 110
2018 111
2017 11.300 114 Jierferslach KNKB 2016
2016 11.800 115 Jierferslach KNKB 2014-2015
2015 13.776 115
2014 12.891 116 Jierferslach KNKB 2014-2015
2013 15.046 123
2012 14.064 124
2011 13.994 124
2010 13.483 123
2009 13.947 124
2008 14.390 127
2007 14.574 125
2006 14.672 125
2005 15.139 125
2004 15.139 126
2003 15.275 126
2002 15.340 124
2001 127
1999 15.212 126
1996 15.563 124
1993 18.059
1990 16.821
1987 16.987
1984 13.986
1981 13.049
1978 12.000

Boarnen, noaten en referinsjes[boarne bewurkje]

Boarnen, noaten en/as referinsjes:
  1. Ledentallen, NOC*NSF