Mordoovje Arena
| Mordoovje Arena
Мордо́вия Аре́на | ||
| bouwurk | ||
| ||
| lokaasje | ||
| lân |  Ruslân
| |
| republyk |  Mordoovje
| |
| plak |  Saransk
| |
| adres | Wolgogradskaja ul. 13 | |
| koördinaten | 54° 10' N 45° 12' E | |
| bysûnderheden | ||
| type bouwurk | Stadion | |
| boujier | 2010-2017 | |
| oare ynformaasje | ||
| kosten | 16,5 miljard rûbel (210 miljoen euro) | |
| offisjele webside | ||
| arenamordovia.ru | ||
| kaart | ||
.svg)  | ||
De Mordoovje Arena (Russysk: Мордовия Арена; Mordovija Arena) is in fuotbalstadion yn de stêd Saransk yn 'e Russyske republyk Mordoovje. It is it stadion dêr't FK Mordovija Saransk de thúswedstriden spilet.
Mei de bou fan it stadion waard yn 2010 mei it frijmeitsjen fan it bouplak yn 'e uterwaarden fan 'e Insar útein set. It beslút om it stadion te bouwen waard noch nommen foar't bekend waard dat Ruslân it wrâldkampioenskip fuotbal 2018 organisearje soe. It wie oarspronklik it doel om it stadion yn 2012 te foltôgjen en de iepening soe gearfalle mei it fieren fan in pear jubilea, mar troch de organisaasje fan it wrâldkampioenskippen en de FIFA-eask dat de kapasiteit fan it stadion minimaal 45.000 minsken wêze moast, en net lykas ynearsten pland wie 28.000, waard de iepening fan it stadion útsteld oant 2017. Yn it ramt fan it wrâldkampioenskip fuotbal 2018 binne der fjouwer groepsfazewedstriden spile.
Tagelyk mei de bou fan it stadion binne der foar Saransk in pear grutte stêdeboukundige saken oanpakt. By it stadion waard in grut park oanlein mei in rekréaasje- en enemintegebiet, der waard in dyk oanlein oan 'e Insar en in wenwyk krige in bettere ferbining mei it stedssintrum.
It ûntwerp fan it stadion is basearre op 'e sinne, it wichtichste symboal yn 'e miten en legindes fan it Mordwynske folk.
It 122.700 m² grutte stadion hat plak foar 45.000 minsken en leit by it sintrum fan 'e stêd, sadat it fan 'e ynfrastrukturele plakken rinnend goed te berikken is.
Wrâldkampioenskip fuotbal 2018[bewurkje seksje | boarne bewurkje]
| Datum | Tiid | Thústeam | Utslach | Utteam | Kompetysje | Taskôgers |
|---|---|---|---|---|---|---|
| 16 juny 2018 | 19.00 UCT+3 | Perû .svg){kind=small} |
0 – 1 |  Denemark |
Groepsfaze poule C |
40.052 |
| 19 juny 2018 | 15.00 UCT+3 | Kolombia  |
1 – 2 |  Japan |
Groepsfaze poule H |
40.842 |
| 25 juny 2018 | 21.00 UCT+3 | Iran  |
1 – 1 |  Portegal |
Groepsfaze poule B |
41.685 |
| 28 juny 2018 | 21.00 UCT+3 | Panama  |
1 – 2 |  Tuneezje |
Groepsfaze poule G |
37.168 |