Mia Gerhardt

Ut Wikipedy
Springe nei navigaasje Springe nei sykjen

Mia Irene Gerhardt (Rotterdam, 28 desimber 1918 - Domburg, 13 novimber 1988) wie in Nederlânsk mediëvist (saakkundige op it mêd fan 'e Midsiuwen) en heechlearaar ferlykjende literatuerwittenskip oan de Universiteit fan Utert.

Mia Gerhardt gie nei it Erasmiaansk Gymnasium yn Rotterdam. Dêrnei studearre hja Frânske taal- en letterkunde oan de Ryksuniversiteit Grins. Fan 1946 oant 1950 wie se wittenskiplik assistint oan de Universiteit Leien. Yn 1950 promovearre se by de lieratuerwittenskipper Sem Dresden. Tusken 1950 en 1968 wie Mia Gerhardt as lektor Frânske taal- en letterkunde ferbûn oan tagelyk de Ryksuniversiteit Grins en de Universiteit Utert. Yn 1968 waard hja yn Utert ta heechlearaar beneamd en yn 1971 waard se lid fan de Koninklijke Nederlandse Akademie van Wetenschappen.

Mia Gerhardt wie ek lid fan it Koninklijk Zeeuwsch Genootschap der Wetenschappen en fan de Nederlandse Malacologische Vereniging. Har samling fossile skelpen krige nei har dea in ûnderkommen by museum Naturalis yn Leiden.

Gerhardt wie in suster fan de dichteressen Ida Gerhardt (1905 - 1997) en Truus Gerhardt (1899 - 1960).

Publikaasjes[bewurkje seksje | boarne bewurkje]

  • 1950: "Essai d'analyse littéraire de la Pastorale dans les littératures Italienne, Espagnole et Française" (proefskrift)
  • 1953: "Iets over het gebruik van de eerste persoon in verhalend proza"
  • 1955: "Don Quijote. La vie et les livres"
  • 1956: "Het droombeeld van de Gouden Eeuw"
  • 1957: "Les voyages de Sindbad le marin"'
  • 1963: "The art of story-telling. A literary study of the thousand and one nights"
  • 1964: "Two wayfarers. Some medieval stories on the theme of good and evil"'
  • 1967: "Old men of the sea. From Neptunus to Old French luiton: ancestry and character of a water-spirit"
  • 1968: "Zevenslapers en andere tijd-verliezers"
  • 1977: "Bestiarium morale: Commilitonibus suis carmina selecta seruit"
  • 1988: "Het 'testament' van Adriaan Bommenee. Praktijkervaringen van een Veerse bouw- en waterbouwkundige uit de 18e Eeuw" (einredaksje)

Wittenskiplike artikelen[bewurkje seksje | boarne bewurkje]

In kar:

  • 1949: "Les premières traductions des Bucoliques". Yn: Neophilologus. Fol. 33, ôfl. 1.
  • 1949: "Maupertuis". Yn: Neophilologus. Fol. 33, ôfl. 3.
  • 1955: "L'Imagerie de Sylvie". Yn: Neophilologus. Fol. 39, ôfl. 1.
  • 1957: "Malherbe et les Muses". Yn: Neophilologus. Fol. 41, ôfl. 1.
  • 1958: "'L'Octavie' de Nerval". Yn: Neophilologus. Fol. 42, ôfl. 1.
  • 1959: "Metrische schema's van het lange vers". Yn: Neophilologus. Fol. 43, ôfl. 3.
  • 1962: "Medieval story-telling". Yn: Neophilologus. Fol. 46, ôfl. 3.
  • 1965: "The ant-lion. Nature Study and the Interpretation of a Biblical Text". Yn: Vivarium. Fol. 3, ôfl. 1.
  • 1966: "Knowledge in Decline. Ancient and medieval information on "ink-fishes" and their habits". Yn: Vivarium. Fol. 4, ôfl. 1.