Mennistetsjerke (Poppenwier)

Ut Wikipedy
Springe nei navigaasje Springe nei sykjen
Mennistetsjerke
Mennistetsjerke, Poppenwier.jpg
lokaasje
lân Flag of the Netherlands.svg Nederlân
provinsje Frisian flag.svg Fryslân
gemeente Súdwest-Fryslân vlag.svg Súdwest-Fryslân
plak Poppenwier wapen.svg Poppenwier
adres Binnenbuorren 6
bysûnderheden
type bouwurk Tsjerke
boujier 1848
monumintale status Monumentenbordje 2014.svg ryksmonumint
monumintnûmer 514875 [1]
webside Mennistegemeente Mid-Fryslân

De Fermanje fan Poppenwier oan de Binnenbuorren is in ryksmonumint. De menisten fan Poppenwier foarmje net mear in selsstannige gemeente en binne sûnt 2006 opgien yn de Menistegemeente Mid-Fryslân. Hja tsjerkje tsjintwurdich yn de Fermanje fan Grou. Sawol it eksterieur as it ynterieur fan de tsjerke is lykwols goed bewarre bleaun.

Skiednis[bewurkje seksje | boarne bewurkje]

Mei of fuort nei de reformaasje ûnstie der in menistegemeente yn it doarp. Wylst de katoliken de midsiuwske Nikolaastsjerke ôfstean moasten oan de oanhingers fan de kalvinistyske lear, waard it de menisten tastien harren tsjinsten te fieren yn in ûnopfallende skûltsjerke.

De tsjintwurdige tsjerke datearret út 1848, doe't it gebou fergrutte wurde moast. En alhoewol't yn de rin fan de tiid in wente by de tagong ôfbrutsen waard, falt de tsjerke noch jimmeroan hast net op tusken de oare bebouwing. It giet om in ienfâldige sealtsjerkje fan brune bakstien, dy't op it westen trijesidich ôfsletten wurdt en in gearstald skylddak hat.

De tsjerke waard yn 1996 restaurearre. Yn 2008 waard de Poppenwierster fermanje mei dy fan Akkrum, Wergea, Terherne en Aldeboarn sletten, nei't de menistegemeente fan Poppenwier al earder de selsstannigens ferlear. De menistegemeente Mid-Fryslân hold allinne de tsjerke fan Grou oer.

Ynterieur[bewurkje seksje | boarne bewurkje]

Oan wjerskanten fan it middenpaad steane seis rigen banken, werfan't de earste banken in hegere rêch en in doarke mei in klinke hawwe. De preekstoel stiet op it westen yn in ferhege dooptún. Oan wjerskanten fan de preekstoel mei klankboerd steane oerkape banken foar de tsjerkerie. De tsjerke hat in kreake oan de eastlike kant, mar in piipoargel is der net. Ynstee dêrfan waard it sjongen troch in harmoanium begelaat.

De swiere lûkbalken binne mooglik noch ôfkomstich út it earste tsjerkegebou fan de menisten.

Boarnen, noaten en referinsjes[boarne bewurkje]

Boarnen, noaten en/as referinsjes: