Medalje

Ut Wikipedy
Gean nei: navigaasje, sykje

In medalje is in lyts metalen foarwerp dat útrikt wurdt as immen in bysûndere prestaasje ferrjochte hat. It is in taastber symboal fan de ûnderskieding dy't oan immen útrikt wurdt. De ûntfanger kin sommige medaljes op syn of har klean opspjeldzje mar oare medaljes binne tinkpeinjes en kinne net droegen wurde.

Yn 'e sportwrâld brûkt men in gouden medalje foar de earste plak, sulver foar de twadde plak en brûns foar in tredde plak.

It begryp 'medalje' is nau ferbûn mei in 'lintsje', in 'betinkingsmunt' en in 'earepeinje'. Dizze termen rinne yn it deistich taalgebrûk yn elkoar oer.

Meastal, mar net altyd, binne stjerren, krusen en ridderoarders heger yn oansjen as medaljes. In Earemedalje ferbûn oan 'e Húsoarder fan Oranje is sa'n útsûndering. In medalje foar moed sil yn it maatskiplik ferkear ek heger oanslein wurde as in ridderoarder dy't men inkeld út hoflikheid ûntfangt.

In medalje is meastal rûn mar der binne ek ovale en rjochthoekige medaljes bekend.