Marshalleilannen

Republic of the Marshall Islands
Aolepān Aorōkin Majeļ

Flagge Wapen
Offisjele taal	Ingelsk, Marshalleesk
Haadstêd	Majuro
Steatsfoarm	Republyk
Ynwenners
Munt	Amerikaanske dollar (USD)
Tiidsône	UTC +12
Nasjonale feestdei	1 maaie
Lânkoade	MHL
Ynternet	.mh
Tillefoan	692

Kaart fan Marshalleilannen

De Marshalleilannen is in arsjipel dy't in selsstannige steat foarmet yn de Grutte Oseaan noardlik fan Naurû en Kiribaty, en eastlik fan Mikroneezje en besuden it eilân Wake. De eilannen binne ferneamd nei de Britske kapitein John Marshall, dy dêr yn 1788 fuot oan wâl sette.

Geografy

Lânskip

De Marshalleilannen besteane út twa groepen atollen dy't ferspraat lizze oer in gebiet mei in lingte fan 1200 km: de Ratak-kloft (16 atollen) en de Ralik-kloft (18 atollen) en noch ris 1100 koraalriffen. It gebiet hat in fochtich-hjit tropeklimaat. Kwajalein is it grutste atol fan de wrâld.

Skiednis

De Marshalleillannen waarden yn it 2e millennium f.Kr. befolke troch Mikroneesjers dy't mei tradisjonele kano's fan eilân nei eilân reizgen. Fan harren ierste skiednis is net folle bekend.

De eilannekloft waard yn 1529 ûntdutsen troch de Jeropeanen. De Dútsers hawwe der yn 1884 in protektoraat fan makke dat yn 1920 troch Japan oernommen waard. It troch de FS útoefene FN-mandaat waard yn 1980 beënige. De FS bleau lykwols ferantwurdlik foar de feilichheid. It parlemint en de ried fan stamhaaden bepale de lânspolityk.

Demografy

Befolking

Op de Marshalleilannen libje goed 68.000 minsken, foar it meastepart Marshalleesjers. De Marshalleesjers binne fan Mikronesyske komôf en kamen tûzenen jierren lyn út Aazje. In minderheid is fan resintere Aziatyske komôf, dat binne fral Japanners. Twa-tredde fan de befolking libbet yn Majuro, de haadstêd, en Ebeye. It libben op de bûtenatollen is gruttendiels tradisjoneel.

Religy

It Kristendom is de oerhearskjende godstsjinst.

Taal

De offisjele taal fan de Marshalleilannen is Marshalleesk, mar it is gebrûkliker om Ingelsk te praten.