Marjon Brandsma
| Marjon Brandsma | ||
 akteur
| ||
| ||
| Marjon Brandsma (1982) | ||
| persoanlike bysûnderheden | ||
| echte namme | Marjon Brandsma | |
| nasjonaliteit |  Nederlânsk
| |
| berne | 20 septimber 1943 | |
| berteplak | Grins | |
| stoarn | 19 jannewaris 2024 | |
| stjerplak | Amsterdam | |
| jierren aktyf | 1975-2012 | |
| prizen | Theo d'Or (1982) | |
Marjon Brandsma (Grins, 20 septimber 1943 - Amsterdam, 19 jannewaris 2024) wie in Nederlânske aktrise.
Libbensrin
[bewurkje seksje | boarne bewurkje]Marjon Brandsma woe yn earsten dûnseres wurde. Se gie nei har middelbere skoalle nei Amsterdam om Nederlânsk te studearjen, mar yn 1966 al nei in jier dat se oan de stúdzje Nederlânsk begûn wie, besleat se oer te stappen nei de Amsterdamske Toanielskoalle, yn 1970 behelle se har diploma. Dêrnei wie se inkelde jierren ferbûn oan it Ynstitút foar ûndersyk fan it Nederlânsk teäter. Dêr kaam se yn'e kunde mei it eksperimintele toaniel. Mei regisseur Leonard Frank en in groep jonge akteurs, wêrûnder Kitty Courbois en Hans Dagelet, hearde se yn 1973 ta de inisjators fan Tonielgroep Baal. Se spile by ûnder oare de Haachske Komeedzje, It Nasjonale Toniel, Publieksteäter, Tonielgroep Amsterdam en Tonielgroep De Appel.
Bekende rollen fan Brandsma wiene Vera yn Voor het pensioen fan Thomas Bernhard, Rakel yn Na de repetitie fan Ingmar Bergman en de foar har skreaune solofoarstelling De Caracal fan Judith Herzberg. Yn 1979 rôp wykblêd Vrij Nederland har út ta "de bêste Nederlânske aktrise fan nei 1945". Foar de rol fan Araminte yn Leugens onder de roos fan Marivaux by de Haachske Komeedzje waard hja yn 1982 bekroand mei de Theo d'Or.
Neist har optredens yn it teäter, fertolke se rollen yn ûnderskate films en op telefyzje, ûnder oare yn Grijpstra en De Gier, Ernstige Delicten en Waltz. Yn 2010 spile hja in rol yn Bellicher: De macht van meneer Miller in fjouwerdielige VPRO-thrillersearje nei de boeken fan Charles den Tex. Brandsma spile ek yn de spylfilms The Gambler yn 1997 en Doodslag yn 2012. De foarstelling Oom Wanja regissearre troch Gerardjan Rijnders yn 2012 wie it lêste toanieloptreden fan Brandsma.
Marjon Brandsma ferstoar op 19 jannewaris 2024, yn 'e âldens fan 80 jier.
| Boarnen, noaten en/as referinsjes: | ||
|
