Lofterhân (Arapaho-opperhaad)
| Lofterhân | ||
| ||
| persoanlike bysûnderheden | ||
| echte namme | Niwot | |
| oare namme | Left Hand | |
| berne | ±1825 | |
| berteplak | westlike Feriene Steaten | |
| stoarn | 29 novimber 1864 | |
| stjerplak | oan 'e Big Sandy Creek (Kolorado) | |
| etnisiteit |  Súdlik Arapaho
| |
| wurkpaad | ||
| berop/amt | opperhaad fan de Súdlike Arapaho | |
| jierren aktyf | ±1850 – 1864 | |
Lofterhân (Arapaho: Niwot, útspr.: [nɪwɔt]; Ingelske oersetting: Left Hand; ±1825 – oan 'e Big Sandy Creek (Kolorado), 29 novimber 1864), wie in opperhaad fan 'e Súdlike Arapaho, in Yndiaansk folk fan 'e Grutte Flakten fan Noard-Amearika.
Libben
[bewurkje seksje | boarne bewurkje]
Lofterhân stie bekend as in fredesstifter, en ûnder de Goudkoarts fan Kolorado, yn 1858, ferwolkomme er de blanke goudsikers op syn lân, yn 'e Delling fan de Boulder.
Yn it neijier fan 1864 joech er him mei 50 of 60 oare Súdlike Arapaho by de gruttere troep fan Súdlike Sjajinnen fan it opperhaad Swarte Tsjettel (Moketavato), dy't harren winterkamp opslein hiene binnen de grinzen fan har reservaat, by in bocht yn it streamke de Big Sandy Creek. Op 'e iere moarn fan 29 novimber waard it doarp oanfallen troch 700 man fan 'e territoriale milysje fan Kolorado, ûnder lieding fan kolonel John M. Chivington. By it dêropfolgjende Bloedbad fan Sand Creek kamen tusken de 70 en 163 Yndianen om it libben, wêrûnder Lofterhân en it meastepart fan syn Arapaho-troep.
Doe't der jierren letter lykwols berjochten giene dat Lofterhân yn it reservaat fan 'e Súdlike Sjajinnen en Súdlike Arapaho yn it Yndiaanske Territoarium (it hjoeddeiske Oklahoma) wenne, wêrûnder in krante-artikel út 1907 dat hawwe woe dat er him mei hûndert oare Arapaho ta it kristendom bekeard hie, waard der lang tocht dat er dochs de slachting by Sand Creek oerlibbe hie. Histoarysk ûndersyk hat lykwols útwiisd dat it hjir om in hiel oare, folle jongere Lofterhân (Niwot) gie, en dat dé Lofterhân nei alle gedachten wol deeglik by Sand Creek omkommen is.
| Boarnen, noaten en/as referinsjes: |
|
Foar boarnen en oare literatuer, sjoch ûnder: Notes en References, op dizze side. |