Laytonville (Kalifornje)

Laytonville
Bestjoer
Lân	Feriene Steaten
Steat	Kalifornje
County	Mendocino County
Sifers
Ynwennertal	1.227 (2010)
Oerflak	14,1 km² (ynkl. wetter) 13,9 km² (allinnich lân)
Befolkingsticht.	87 / km²
Hichte	509 m
Oar
Stifting	1874
Tiidsône	UTC –8
Simmertiid	UTC –7
Koördinaten	39°41′18″N 123°28′58″W
Kaart
De lizzing fan Laytonville yn Mendocino County en yn 'e steat Kalifornje.

Laytonville is in doarp (census-designated place) yn it noarden fan 'e Amerikaanske steat Kalifornje. It leit yn Mendocino County, op sa'n 32 km noardnoardwestlik fan 'e stêd Willits, deun benoarden it plak dêr't de Súdlike Ielrivier ûntspringt. Neffens gegevens fan 'e folkstelling fan 2010 hie Laytonville doe in befolking fan rom 1.200 minsken.

Skiednis

Laytonville waard yn 1874 stifte troch in Frank B. Layton, dy't oarspronklik út it Kanadeeske Nij-Skotlân kaam. Hy boude doe in hûs op it plak dat neitiid nei him Laytonville kaam te hjitten, en begûn der in hoefsmidderij. It earste postkantoar yn Laytonville gie iepen yn 1879.

Demografy

Neffens gegevens fan 'e folkstelling fan 2010 hie Laytonville doe in befolking fan 1.227 minsken. De befolkingstichtens bedroech 87 minsken de km². Fan 'e befolking fan Laytonville wie yn 2010 12,2% âlder as 65 jier en 22,1% jonger as 18 jier. Fierders bestie 26,3% fan 'e húshâldings út ien persoan, wylst yn 2000 21,9% fan 'e befolking ûnder de earmoedegrins libbe.

Wat de etnyske opbou fan 'e befolking oangiet, dy wie yn 2010 sa: 56,9% blanken; 19,9% Yndianen; 11,5% Latino's; 1,3% swarten; 0,8% Aziaten; 0,1% Polyneziërs, Melaneziërs en Mikroneziërs; 9,5% oaren of fan mingd etnysk komôf. De Yndianen binne foar alteast foar in part etnyske Kato, mei't it haadkertier fan 'e Kato Yndianestamme fan de Laytonville Rancheria yn Laytonville fêstige is.

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.