Lady Gaga

Lady Gaga
sjonger en/of muzikant
Lady Gaga (2010)
persoanlike bysûnderheden
echte namme	Stefani Joanne Angelina Germanotta
nasjonaliteit	Amerikaansk
berne	28 maart 1986
berteplak	New York
wurkpaad
sjenre	pop
sjongtaal	Ingelsk
grutste hit(s)	Poker Face, Just Dance
jierren aktyf	2005-no
offisjele webside
* ladygaga.com

Stefani Joanne Angelina Germanotta (New York, 28 maart 1986), better bekend as Lady Gaga, is in Amerikaansk sjongster. Gaga is bekend wurden troch har wurk yn elektropop en glamrock. Se skriuwt har eigen teksten en ûntwerpt har eigen fideoklips. Foar it nûmer Just Dance waard hja yn 2008 nominearre foar in Grammy Award.

Har debútalbum út augustus 2008, The Fame, waard nûmer ien yn FK, Kanada, Eastenryk, Dútslân en Ierlân, die it ek goed yn oare lannen, wrâldwiid. De earste twa singles fan it album, "Just Dance" en "Poker Face", waarden ynternasjonale nûmer-ien hits, ûnder oaren yn de Amerikaanske Billboard Hot 100, mar ek yn in protte oare lannen. It album smiet letter seis Grammy Awardnominaasjes op en wûn prizen foar Best Electronic/Dance Album en Best Dance Recording. Ier 2009 begûn hja oan har earste grutte omrins, The Fame Ball Tour. Ein fan itselde jier brocht hja har twadde studio-album út The Fame Monster, mei dêrop de single "Bad Romance", dy't wrâldwiid súkses hie, en sette hja útein mei har twadde omrin, The Monster Ball Tour, dy't ek oaral in soad media-omtinken krige.

Styl en uterlik

Lady Gaga sjocht harsels as in libben keunstwurk. Har artistike wize fan klaaien is neffens har in earebetoan oan keunstner Andy Warhol. Troch har útwrydske look wurdt sy wolris fergelike mei new wave-acts út de jierren '80. De styl fan Lady Gaga wurdt faak as in op 'en nij oplibjen fan de elektropop-muzyk út de jierren '90 sjoen. Yn febrewaris 2010 waard se by de Shockwaves NME Awards sawol as bêst klaaide en as minst klaaide artyst keazen.

Neist ynteresse foar avant-garde en elektroanyske dancemuzyk wurdt Gaga beynfloede troch glamrock en hat se in pop-sound mei ynfloeden fan Marc Bolan, David Bowie en de rockgroep Queen. "Marc Bolan en David Bowie hawwe tige wichtich foar my west, foar't ik harren ûntduts wie ik der skjin mei oanhelle."

Op har linkerboppe-earm hat Lady Gaga in gedicht fan Rainer Maria Rilke tatoeëarje litten. Under de tatoeaazje fan dat gedicht steane de wurden "Little Monsters". "Little Monsters" is de bynamme dy't hja har fans jout. Op har linker pols hat sy in fredesteken. Op it lege part fan de rêch hat hja in soarte tribal mei roazen. Op har linkerboppeskonk hat se de namme fan har album "Born this Way" sette litten.

Gaga hat fan natuere brún hier, mar dat blondearret hja, omdat sy oars faak oansjoen wurdt foar Amy Winehouse.

Diskografy

Lady Gaga (rjochts) en Lady Starlight op Lollapalooza, 2007.

Gaga yn in brobbeljurk by The Fame Ball Tour.

Studio-albums

Album	Utbrocht op	Label	Singles
The Fame	19 augustus 2008	Streamline	Just Dance, Poker Face, Eh, Eh (Nothing Else I Can Say), LoveGame, Paparazzi
Born This Way	23 maaie 2011		Born This Way, Judas, The Edge of Glory, You and I, Marry the Night, Bloody Mary
Artpop	6 novimber 2013		Applause, Do What U Want, G.U.Y.
Joanne	21 oktober 2016		Perfect Illusion, Million Reasons, Joanne
Chromatica	29 maaie 2020		Stupid Love, Rain on Me, 911
Harlequin	2024

Soundtrack-albums

Film	Album	Utbrocht op	Label	Singles
A Star Is Born	A Star Is Born (mei Bradley Cooper)	5 oktober 2018	Interscope	Shallow, Always Remember Us This Way, I'll Never Love Again

Kompilaasje-albums

Album	Utbrocht op
The Singles	8 desimber 2010
Born This Way: The Collection	21 novimber 2011

Tours

• The Fame Ball Tour (2009)
• The Monster Ball Tour (2009–11)

Keppeling om utens

• (in) Lady Gaga Official Twitter
• (in) Lady Gaga Official Facebook
• (in) Lady Gaga Song Lyrics
• (in) Lady Gaga Official Youtube Channel

Boarnen, noaten en referinsjes

Boarnen, noaten en/as referinsjes:

Wikipedy:EN Commons Wikimedia Commons  Ofbylden dy't by dit ûnderwerp hearre, binne te finen yn de kategory Lady Gaga fan Wikimedia Commons.