Kristlike Mafû De Saad

Ut Wikipedy
Springe nei navigaasje Springe nei sykjen
Kristlike Mafû De Saad
Logo De Saad.png
algemiene ynformaasje
nasjonaliteit Flag of the Netherlands.svg Nederlânsk
type org. middelbere skoalle
wurkmêd Mafû (vmbo-tl/gl)
fêstige yn Damwâld (Dantumadiel)
oprjochte 1921
oprjochter Feriening foar Kristlik MULO yn de gemeente Dantumadiel
adres Nijewei 1
9104 DK Damwâld
denominaasje protestantsk-kristlik
offisjele webside
desaad.nl

Kristlike Mafû De Saad (Nederlânsk: Christelijke Mavo De Saad), koartwei meastentiids De Saad neamd, is in selsstannige skoalle foar fuortset ûnderwiis yn Damwâld. Sa't de namme al oanjout, wurdt der lesjûn op mafû-nivo. De learlingen krije wannear't se slagje ôfhinklik fan it fakkepakket in vmbo-tl of vmbo-gl diploma.

Histoarje[bewurkje seksje | boarne bewurkje]

De Saad bestiet al sa'n hûndert jier. Yn 1919 waard de feriening foar Kristlik mulo yn de gemeente Dantumadiel oprjochte. Op 1 augustus 1921 waard de skoalle iepene. De skoalle stie oan de Haadwei fan Moarrewâld, dêr't hjoed-de-dei in meubelsaak sit.

It hjoeddeiske gebou oan de Nijewei yn Damwâld is yn 1985 boud. By de iepening fan dat gebou yn 1986 hat de skoalle de namme De Saad krigen. Yn 2019 fierde de skoalle har 100-jierrich bestean[1].

Underwiis[bewurkje seksje | boarne bewurkje]

De Saad is in kristlike skoalle dy't de leafde fan Jezus Kristus yn it deistige dwaan en litten sjen litte wol. Yn de ûnderbou binne der lytse klassen, om sa de oerstap fanôf de basisskoalle te ferleegjen. Bysûnder oan De Saad is dat it mooglik is om ynstee fan fjouwer jier yn trije jier in diploma te heljen, dat wurdt mafû-sprint neamd.

Yn it skoaljier 2019-2020 is in nij ûnderwiiskonsept ynfierd, mei ûnder oare koartere lesdagen en spesjale begeliedingsoeren[2].

Sluting[bewurkje seksje | boarne bewurkje]

De regio Noardeast-Fryslân hat te krijen mei krimp, wat derfoar soarget dat it oantal learlingen op De Saad yn de rin fan de jierren ôfnaam. De skoalle hie om 2014 hinne noch 400 learlingen, mar yn 2019 wie dit ôfnaam nei noch gjin 300. Yn desimber 2018 waard bekend dat der fanwegen finansjele tekoarten in reorganisaasje nedich wie[3]. Yn april 2019 liet direktrise Jantine van der Kooij yn it Frysk Deiblêd witte dat foar de lange termyn de selsstannige posysje fan de skoalle ûndwaanlik wie en de skoalle nei gearwurking mei oare skoallen sjen moast[4]. Dy mooglikheid ta gearwurking hie De Saad yn it Piter Jelles fûn, yn de foarm fan in fúzje. Mar it mocht net mear heve: doe't yn april 2020 bliken die dat foar it skoaljier 2020/2021 mar 33 nije oanmeldings binnenkaam wiene, beslêt it bestjoer fan De Saad om de skoalle oan it ein fan it skoaljier 2019/2020 definityf te sluten[5].

Bekende âld-learlingen[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. https://www.actiefonline.nl/nieuws/algemeen/38331/christelijke-mavo-de-saad-viert-100-jarig-bestaan-
  2. https://www.actiefonline.nl/nieuws/112/32826/vernieuwend-onderwijs-op-vmbo-de-saad-in-damwald-
  3. https://nieuwsbladnof.nl/artikel/736917/reorganisatie-bij-de-saad-damwald.html
  4. https://frieschdagblad.nl/2019/4/20/mavo-de-saad-kan-niet-zelfstandig-verder
  5. https://www.omropfryslan.nl/nijs/953853-mavo-de-saad-yn-damwald-slut-de-doarren